महावितरण नागरीकांच्या संपर्क क्षेत्रातून कायमचे बाहेर ?

 महावितरण नागरीकांच्या 

संपर्क क्षेत्रातून कायमचे बाहेर ? 

महावितरणने ग्राहकांच्या सोयीसाठी, तक्रार करण्यासाठी दिलेल्या तक्रार‌ कम्रांकांवर संपर्क साधल्यास तो अमान्य किंवा संपर्क क्षेत्राच्या बाहेर असल्याचे सांगितले जात आहेत. महावितरण ज्याप्रकारे पैश्यांचा वसुलीसाठी, थकबाकीकरीत ग्राहकांना सतत फोन करून आठवण करून देते तीच महावितरण विद्युत कंपनी गरजेच्या वेळी ग्राहकांच्या सादेला हाकही देत नाही असे समजते. महावितरणने ग्राहकांच्या सोयीसाठी तक्रार करण्यासाठी २४ तास कार्यरत असणारा नंबर अस्तित्वात आणावा. किंवा काही तांत्रिक कारणांमुळे, अडचणींमुळे जर महावितरणशी संपर्क साधण्यास अडचणी ग्राहकांना येत येणार असेल तर पर्यायी महावितरणने दुसरा संपर्क क्रमांक तात्काळ ग्राहकांना उपलब्ध करून द्यावा. अनेकवेळा विनाकारण वीजपुरवठा खंडित होत असतो. अनेकवेळा विनाकारण लोडशेडींग, भारनियमन सुरू केले जाते परंतु ह्याची ग्राहकांना भणकही नसते. जर काही तांत्रिक कारणांमुळे अडचणींमुळे भारनियमन सुरू होणार असेल तर तसे ग्राहकांना संदेशांद्वारे कळवावे जेणेकरून ग्राहकांचे कामे निलंबित राहणार नाहीत असा मुद्दा अनेकवेळा नागरिकांनी उपस्थित केला होता. महावितरणच्या अश्या बेजबाबदार कारभारावर नागरिकांनी सतत प्रश्न उपस्थित केल्याचे दिसते. विद्युत पुरवठा का खंडित करण्यात आला आहे ह्याचे कारण ग्राहकांना कळाले पाहिजे व ग्राहकांचा महावितरणशी जो संपर्क राहायला हवा तो तक्रार क्रमांक बंद पडल्याने तुटलेला आहे.  आता महावितरण नागरीकांच्या संपर्क क्षेत्रातून कायमचे बाहेर पडले की काय असा प्रश्न सध्या नागरिकांना सतावतोय . 

मौजे सुकेणे विद्यालयात राष्ट्रीय क्रीडा दिनासह रक्षाबंधन उत्साहात

 मौजे सुकेणे विद्यालयात 

राष्ट्रीय क्रीडा दिनासह रक्षाबंधन

 उत्साहात 

विद्यार्थीनी विद्यार्थ्यांना राखी बांधतांना

कसबे सुकेणे( प्रतिनिधी) ता,२९- मौजे सुकेणे ता निफाड येथील मविप्र संचलित कर्म रावसाहेब थोरात हायस्कूल व ज्यु कॉलेज येथे राष्ट्रीय क्रीडा दिनासह रक्षाबंधन कार्यक्रम मोठ्या उत्साहात साजरा करण्यात आला अध्यक्षस्थानी प्राचार्य रायभान दवंगे होते सुरुवातीला प्राचार्य दवंगे,उपमुख्याध्यापक अनिल परदेशी, पर्यवेक्षिका संगीता सोनवणे व उपस्थितांच्या हस्ते मेजर ध्यानचंद यांच्या प्रतिमेचे पूजन करण्यात आले यावेळी उपस्थितांच्या हस्ते पर्यावरणाचे रक्षण करणाऱ्या वृक्षाला राखी बांधण्यात आली विद्यार्थिनी कु जान्हवी गुरगुडे,कु संध्या हळदे,कु सृष्टी हळदे,कु जागृती पवार यांनी रक्षाबंधन विषयी माहिती करून दिली तर कु हर्षदा गायकवाड,कु सानवी जाधव व शिक्षक अनिल उगले यांनी मेजर ध्यानचंद यांच्या कार्याची ओळख करून दिली यावेळी सर्व विद्यार्थिनींनी विद्यार्थ्यांना राखी बांधत रक्षाबंधन साजरा केला अध्यक्षिय मनोगतातून प्राचार्य दवंगे यांनी रक्षाबंधन कार्यक्रम साजरा करण्यामागचा हेतू विशद करत व मेजर ध्यानचंद त्यांचे हॉकी विषयीचे कार्य विशद केले सूत्रसंचालन सातवी अ ची विद्यार्थिनी कु सिद्धी वडघुले व कु अनन्या विधाते यांनी तर आभार कु अनुष्का भोज हिने मानले यावेळी सातवी अ चे विद्यार्थी व त्यांच्या वर्गशिक्षिका श्रीम संगीता थोरात यांनी गरीब व होतकरू विद्यार्थ्याला गणवेश दिला कार्यक्रमासाठी सर्व सेवक व विद्यार्थी उपस्थित होते

मौजे सुकेणे ता निफाड विद्यालयात राष्ट्रीय क्रीडा दिन प्रसंगी मेजर ध्यानचंद यांच्या प्रतिमेचे पूजन प्रसंगी प्राचार्य दवंगे, उपमुख्याध्यापक अनिल परदेशी ,पर्यवेक्षिका संगीता सोनवणे व आदी

 

एएसव्ही फाउंडेशन मुंबईच्या वतीने मौजे सुकेणेत शैक्षणिक किट वाटप

 एएसव्ही फाउंडेशन मुंबईच्या 

वतीने मौजे सुकेणेत शैक्षणिक 

किट वाटप . 

 ५० गरीब व होतकरू विद्यार्थ्यांसाठी स्तुत्य उपक्रम

एएसव्ही फाउंडेशन घाटकोपर मुंबई स्वयंसेवी संस्थेच्या वतीने गरीब व होतकरू विद्यार्थ्यांना शैक्षणिक किट भेट देण्याप्रसंगी संस्थेचे सदस्य प्राचार्य रायभान दवंगे व आदी

कसबे सुकेणे( प्रतिनिधी) ता,२९- एज्युकेशन सपोर्टस व्हेरियर्स फाउंडेशन घाटकोपर मुंबई या स्वयंसेवी संस्थेच्या माध्यमातून मविप्र संचलित कर्मवीर रावसाहेब थोरात हायस्कूल मौजे सुकेणे ता निफाड विद्यालयातील ५० गरीब, होतकरू व आई किंवा वडील नसलेल्या विद्यार्थ्यांना शैक्षणिक किट भेट देत या स्वयंसेवी संस्थेच्या वतीने शालेय विद्यार्थ्यांसाठी स्तुत्य उपक्रम राबविण्यात आला या कीट मध्ये उत्कृष्ट दर्जाची स्कूल बॅग, बारा स्क्वायर वह्या, दहा पेन, कंपास पेटी, फूटपट्टी, परीक्षेसाठी आवश्यक असलेला पॅड अशी शैक्षणिक किट असलेली बॅग ५० विद्यार्थ्यांना भेट देण्यात आली याप्रसंगी एका कार्यक्रमाचे आयोजन करण्यात आले अध्यक्षस्थानी प्राचार्य रायभान दवंगे होते या स्वयंसेवी संस्थेचे प्रमुख बीएमसी अधिकारी हरिबा सोनवणे ,सीबीआय अधिकारी सागर बोरणारे,ज्ञानमंदिर हायस्कूल मुंबईचे संस्थापक अध्यक्ष अनिल झोरे, कसबे सुकेणे येथील मातोश्री क्लिनिकचे संचालक डॉ योगेश भंडारे आदी उपस्थित होते सुरुवातीला प्राचार्य दवंगे यांच्या हस्ते अतिथींचे पुस्तक व गुलाब पुष्प देऊन स्वागत करण्यात आले यावेळी स्वयंसेवी संस्थेतील हरिबा सोनवणे,अनिल झोरे व सागर बोरणारे यांनी या स्वयंसेवी संस्थेविषयी माहिती देत आजपर्यंत महाराष्ट्रातील अनेक शाळांमध्ये जाऊन गरीब होतकरू विद्यार्थ्यांसाठी सामाजिक बांधिलकीतून मदत देत असल्याची माहिती दिली व भविष्यातही गरीब व होतकरू विद्यार्थ्यांना शैक्षणिक मदत केली जाईल अशी ग्वाही दिली प्राचार्य दवंगे यांनी या दातृत्वाबद्दल उपस्थितांचे आभार मानत ज्या हेतूने शैक्षणिक मदत करण्यात आली तो हेतू साध्य करून विद्यार्थ्यांनी नावलौकिक वाढवण्याचे आव्हान केले सूत्रसंचालन भारत मोगल यांनी तर उपस्थितांचे आभार उपमुख्याध्यापक अनिल परदेशी यांनी मानले कार्यक्रमासाठी सर्व सेवक व विद्यार्थी उपस्थित होते

 सामाजिक उपक्रमाच्या माध्यमातून मुंबईच्या या स्वयंसेवी संस्थेमध्ये आम्ही जोडले गेले असून समाजातील मागे पडलेल्या घटकांना शैक्षणिक मदत करणे हा हेतू डोळ्यासमोर ठेवून मदत करत आहोत

 - डॉ योगेश भंडारे, मातोश्री क्लिनिक कसबे सुकेणे

 

गट प्रवर्तक ना राज्य शासनाने कंत्राटी कर्मचारी प्रमाणे शासकीय सेवेत सामावून घ्यावे यासाठी तीव्र लढा उभारणार :- कॉ. राजू देसले

 गट प्रवर्तक ना राज्य शासनाने 

कंत्राटी कर्मचारी प्रमाणे 

शासकीय सेवेत सामावून घ्यावे 

यासाठी तीव्र लढा उभारणार :- 

 कॉ. राजू देसले

 नंदुरबार: राष्ट्रीय आरोग्य अभियान मध्ये गेली १६ वर्ष कार्यरत गट प्रवर्तक ना आरोग्य अभियान मध्ये कार्यरत कंत्राटी कर्मचारी प्रमाणे शासन सेवेत सामावून घ्यावे. अन्यथा तीव्र आंदोलन आयटक राज्यभर उभारेल असा इशारा कॉ. राजू देसले राज्य अध्यक्ष महाराष्ट्र राज्य आरोग्य खाते आशा गट प्रवर्तक संघटना आयटक यानी नंदुरबार येथे झालेल्या गट प्रवर्तक आशा मेळाव्यात दिला.

  हॉटेल डी एस के सभागृह नंदुरबार येथे आयटक वतीने गट प्रवर्तक आशा पदाधिकारी मेळावा आयोजित करण्यात आला होता. या प्रसंगी विचारमंचावर राज्य उपाध्यक्षा वैशाली खंदारे, मनीषा सहासे, गुली पावरा, रत्ना नंदन, मंदाकिनी पाटिल, ललिता माळी, देविदास नरभवरे, संध्या साळवे, रामेश्वरी वसावे, वसंत वाघ आदि उपस्थित होते.

 कोरोना काळात शहीद झालेल्या अंजना देविदास नरभवरे यांच्या प्रतिमेस हार अर्पण करुन अभिवादन करण्यात आले.

 संघटनेच्या राज्य उपाध्यक्षा कॉ. वैशाली खंदारे यांनी गट प्रवर्तक ना राज्य शासनाने कंत्राटी कर्मचारी प्रमाणे शासकीय सेवेत कायम करावे. उच्चशिक्षित गट प्रवर्तक ना कंत्राटी कर्मचारी प्रमाणे च आम्ही काम करत आहोत. तरी शासनाचे आरोग्य अभियान मध्ये कार्यरत कंत्राटी कर्मचारी दखल घेऊन शासन सेवेत कायम करण्याबत बैठक आयोजित केली होती. त्यात गट प्रवर्तक समावेश नव्हता. हे अंन्यायकारक आहे. त्वरित यात गट प्रवर्तक चा समावेश करावा . अन्यथा तीव्र आंदोलन गट प्रवर्तक करतील असा इशारा दिला. ऑनलाइन ची प्रंचड कामे गट प्रवर्तक वर लादली जात आहेत. मात्र कोणतेही सुविधा दिली जात नाही. त्यामूळे येणाऱ्या काळात बहिष्कार टाकू असा इशारा दिला.

 मेळाव्यात उपास्थित गट प्रवर्तक आशा यांनी समास्य मांडल्या.

 अध्यक्षीय समारोप करताना कॉ. राजू देसले यांनी केंद्र सरकार योजना कर्मचारी चे शोषण करत आहे. उच्चशिक्षित गट प्रवर्तक ना फक्त प्रवास भत्ता देऊन काम करून घेत आहे. हा महीला गट प्रवर्तक चा अवमान केंद्र सरकार करत आहे. कंत्राटी कर्मचारी प्रमाणे शासकीय सेवेत कायम करण्याबाबत राज्य सरकारने गट प्रवर्तक चा समावेश करावा अन्यथा तीव्र आंदोलन राज्यभर होईल. असा इशारा दिला. 

 मेळाव्यात खालिल ठराव संमत करण्यात आले.

१) गट प्रवर्तक ना कंत्राटी कर्मचारी प्रमाणे शासकीय सेवेत कायम करा.

२) गट प्रवर्तक ना शासकीय सेवेत कायम करे पर्यंत कंत्राटी कर्मचारी दर्जा द्या. आरोग्य अभियान अंतर्गत कार्यरत कंत्राटी कर्मचारी ना शासकीय सेवेत सामावून घेणे बाबत सूरू असलेल्या प्रक्रियेत गट प्रवर्तक समावेश करावा.

३) केंद्र सरकारने २०१९पासून आशा गट प्रवर्तक ना मोबदला वाढ केली नाही. ती करावी. किमान वेतन लागू करा. सामाजिक सुरक्षा लागू करा

४) आशा गट प्रवर्तक ना आँनलाईन ची कामे देऊ नयेत. 

५) दरवर्षी आशा गट प्रवर्तक ना दीपावली ला बोनस द्यावा. 

 आदि ठराव संमत करण्यात आले. या प्रसंगी उषा पावरा, अनिता महिरे, शेवंती मोरे, माधुरी पाटिल, सरला गिरासे, सुमित्रा वसावे, मालती वळवी, प्राजक्ता कापडणे, जेमा वळवी, शीला गावित, मोगी पाडवी , देवकी गावित, रंजना चव्हाण, मंजुळा सोनवणे, लक्ष्मी ठाकरे, अनिता जाधव नंदा राऊत, आदि मोठ्या संख्येने उपस्थित होते. आयटक राज्यव्यापी जनजागरण यात्रा कामगार कर्मचारी धोरण विरोधात नंदुरबार जिल्हा येथे आल्यावर यशस्वी करण्यासाठी नियोजन करण्यात आले.

मौजे सुकेणेतील चिमुकले गुंतले राखी कार्यशाळेत

 मौजे सुकेणेतील चिमुकले 

गुंतले राखी कार्यशाळेत 

 तयार राख्या पाठवणार अनाथ आश्रमातील विद्यार्थ्यांना ! 

 मौजे सुकेणे अभिनव विद्यालयातील विद्यार्थी गुंतले राखी कार्यशाळेत तर दुसऱ्या छायाचित्रात तयार राखी दाखवताना विद्यार्थी

कसबे सुकेणे ता,२८- मराठा विद्या प्रसारक संचालित अभिनव बाल विकास मंदिर मौजे सुकेणे ता,निफाड या विद्यालयातील चिमुकले राखी कार्यशाळेसाठी इतके गुंग झाले होते की जणू आपण शाळेत आहोत की नाही हे देखील विसरून गेले येथील अभिनव विद्यालयात राखी बनवणे कार्यशाळा प्राचार्य रायभान दवंगे सर यांच्या मार्गदर्शनाखाली पार पडली .या कार्यशाळेसाठी इयत्ता पहिली ते चौथीच्या एकूण १५० विद्यार्थ्यांनी सहभाग नोंदवला या कार्यशाळेसाठी दोन गट करण्यात आले पहिली ते दुसरीचा एक गट तर तिसरी ते चौथीचा दुसरा गट तयार करून स्पर्धा घेण्यात आले दोन्ही गटातील अनुक्रमे दोन नंबर काढण्यात आले. तयार झालेल्या राख्या अनाथ आश्रमातील विद्यार्थ्यांना पाठविण्याचा मानस शिक्षकांसह विद्यार्थ्यांनी बोलून दाखवला असून सदर राख्या अनाथ आश्रमात पाठवण्यात येणार आहे सुरुवातीला या विद्यार्थ्यांना शाळेतील सर्व शिक्षकांनी राखी कशा प्रकारे तयार करावी याविषयी मार्गदर्शन केले ही कार्यशाळा यशस्वीपणे पार पडण्यासाठी मुख्याध्यापिका सुवर्णा ठाकरे ,प्रियंका खुळे, कावेरी देशमुख, राहुल मोगल, वर्षा चौधरी, प्रियंका मोगल, जाधव मॅडम,राणी साबळे, संगीता पगारे , पुष्पा पगारे यांच्यासह सर्व शिक्षक व शिक्षकेतर कर्मचाऱ्यांनी ही कार्यशाळा यशस्वीपणे पार पाडली.

 अभिनव शाळेतील विद्यार्थ्यांनी मुख्याध्यापिका सुवर्णा ठाकरे यांच्या मार्गदर्शनाखाली सर्व शिक्षकांच्या सहकार्याने लहान विद्यार्थ्यांमध्ये रक्षाबंधन सणाचे महत्व लक्षात यावे व बंधुभाव निर्माण व्हावा यासाठी हा स्तुत्य उपक्रम असून तयार झालेल्या राख्या अनाथांना पाठवण्यात येत आहे

- श्री. रायभान दवंगे,  प्राचार्य मौजे सुकेणे

 

आयटक संघटनेचा उत्तर महाराष्ट्र मेळावा २७ ला संपन्न

 

आयटक संघटनेचा उत्तर 

महाराष्ट्र मेळावा २७ ला संपन्न 

 नाशिक: आयटक  संलग्न कामगार कर्मचारी संघटना चा उत्तर महाराष्ट्र पदाधिकारी मेळावा द्वारका नाशिक येथे  कॉ. दत्ता देशमुख सभागृह खरबंदा पार्क येथे पार पडला. सदर मेळावा केंद्र व राज्य सरकारच्या कामगार कर्मचारी धोरणांच्या विरोधात एल्गार पुकारून त्याविरोधात आयोजलेल्या जनजागरण यात्रेच्या नियोजन करण्यासाठी सदर मेळावा आयोजित केला  होता. मेळाव्यात नाशिक, अहमदनगर,नंदुरबार,धुळे, जळगाव जिल्ह्यातून सर्व संघटना, घटक संघटना,  आयटक संलग्न संघटना व फेडरेशनचे पदाधिकारी उपस्थित होते. सदर मेळाव्याचे अध्यक्ष  जेष्ठ विज कामगार आयटक नेते कॉम्रेड व्ही. डी. धनवटे होते तर प्रमुख मार्गदर्शक  आयटकच्या राष्ट्रीय सचिव कॉम्रेड बबली रावत यांनी मार्गदर्शन केले .  आयटक राज्य सचिव कॉ. राजू देसले, राष्ट्रीय बिडी कामगार नेते कॉ.कारभारी उगले,आयटक राज्य सचिव कॉ. सुधीर टोकेकर , उपाध्यक्ष कॉ. अमृत महाजन, कॉ.सखाराम दुर्गुडे, कॉ.नामदेव बोराडे, कॉ. वैशाली खंदारे,  एस . खातिब ,हसीना शेख, माया घोलप, दत्तू तुपे भिका बांडे , राजेंद्र चौधरी, असे विविध संघटनेचे पदाधिकारी  मंचावर उपस्थित होते. यावेळी प्रगतिशील लेखक संघाच्या राष्ट्रीय सचिव पदी निवड झाल्याबद्दल लेखक राकेश वानखेडे यांचा सत्कार करण्यात आला तसेच घरेलू कामगार संघटनेच्या पदाधिकारी कॉ.मीनाताई आढाव यांची कन्या काजल आढाव यांनी प्रतिकूल परिस्थितीवर मात करून शिक्षण पूर्ण करून ज्युनियर इंजिनियर म्हणून विद्युत खात्यात नेमणूक झाल्याबद्दल आयटक संघटनेच्या वतीने सत्कार करण्यात आला.  तसेच महाराष्ट्र राज्य  कामगार कर्मचारी संघटना कृती समिती च्या राज्य सह निमंत्रक पदी कॉ. राजू देसले यांची निवड झाल्याबद्दल सत्कार करण्यात आला.

सदर मेळावा आयटक महाराष्ट्राच्या वतीने राज्यात २० नोव्हेंबर २०२३  पासून कोल्हापूर येथून आयटक महाराष्ट्र वतीने  केन्द्र व राज्य शासनाच्या कामगार कर्मचारी धोरण विरोधात २० डिसेंबर २०२३ दरम्यान  राज्यव्यापी  जनजागरण यात्रा निघणार असून सदर यात्रा कोल्हापूर पासून सुरू होऊन नागपूरला समारोप होणार आहे. हि यात्रा उत्तर महाराष्ट्र प्रवेश केल्यावर  भव्य स्वरूपात स्वागत करून मोहिम यशस्वी करावी असे आवाहन आयटक राष्ट्रिय सचिव कॉ. बबली रावत यांनी केले. केंद्र सरकार कामगार विरोधी धोरण राबवत आहे. योजना कर्मचारी आशा, गट प्रवर्तक, अंगणवाडी, अंशकालीन स्री परिचर , उमेद, ग्राम रोजगार सेवक , आदींचे शोषण करत आहे. मणिपूर महिला अत्याचार  बाबत पंतप्रधान बोलत नाही. नवीन कामगार कायदे लागू झाले तर कामगार ना संघटित करणे कठीण होनार आहे. इपिएस 95 पेन्शनर 9हजार रूपये पेन्शन महागाई भत्ता सह लागू करा यासाठी आंदोलन करतं आहे. कंत्राटी पद्धतीने शोषण सुरू आहे. वीज, बँक, विमा उद्योग खाजगीकरण करून विकण्याचे काम सुरु आहे. या विरोधात देशभर आयटक लढत आहे. महाराष्ट्र  आयटक वतीने 20नोव्हेंबर पासुन कोल्हापूर ते नागपूर राज्य व्यापी कामगार कर्मचारी धोरण विरोधात एल्गार पुकारला जाणार आहे. व नागपुर येथे हिवाळी अधिवेशनात वर 1लाख चा भव्य मोर्चा व्हावा यासाठी जनजागृती करण्याचे आवाहन केले.  2024 शेतकरी कामगार विरोधी, महागाई वाढवणारे,भाजप सरकारचा पराभव करावा असे आवाहन केले बबली रावत यांनी केले.

  मेळाव्याचे प्रास्तविक राजू देसले यांनी केले. उत्तरं महाराष्ट् त आयटक संघटना मजबूत करण्याचे आवाहन केले. जनजागरण मोहीम यशस्वी करण्यासाठी सर्वांनी प्रयत्न करावा असे आवाहन केले.  मेळाव्याचे अध्यक्ष  धनवटे वि डी यांनी आयटक संगठना गेली 103  वर्ष  संघर्ष करित आहे. गाव तिथे आयटक चे सभासद आहेत. त्यामुळें यात्रेचे स्वागत जोरदार होईल. व्यापक जन जागृती साठी आजपासून सुरुवात करु या. सर्व संघटना नी तन मन धनाने सहभागी व्हावे असे आवाहन केले.

 मेळाव्यात खालील ठराव संमत करण्यात आले.

1.  कामगार विरोधी केंद्र सरकारने ४ केलेले मागे घ्यावेत
2. कांदा निर्यात शुल्क ४० टक्के निर्णय रद्द करावा.
3.  मणिपूर महिला अत्याचार  चा निषेध
4.   आशा, गट प्रवर्तक,  अंगणवाडी कर्मचारी, अंशकालीन स्री परिचर, उमेद, ग्राम रोजगार सेवक, शालेय पोषण आहार योजना कर्मचारी, कंत्राटी नर्सेस कर्मचारी  आदींना शासकीय कर्मचारी दर्जा द्या.
5.  गट प्रवर्तक ना राज्य शासकीय कर्मचारी दर्जा द्या. आरोग्य अभियान अंतर्गत कार्यरत कंत्राटी कर्मचारी ना शासकीय सेवेत सामावून घेण्याबाबत  सुरू असलेल्या प्रक्रियेत गट प्रवर्तक चा समावेश करावा.
6. कंत्राटी कामगार, योजना कर्मचारी ना दीपावली ला बोनस दया.
7.  इ पी एस ९५पेंशनर्स ना ९हजार रूपये महागाई भत्ता सह पेन्शन लागू करा.
8. ग्राम पंचायत कर्मचारी ना यावलकर समिती शिफारस लागू करा. पेन्शन द्या. जीप कर्मचारी दर्जा द्या
9. वीज, बँक, विमा उद्योग चे खाजगीकरण थांबवा.
10. जात, धर्म नावावर हिंसाचार थाबवा
11. शेतकरी कामगार विरोधी धोरण रद्द करा
12. विडी कामगार ना किमान वेतन लागू करा. राज्य शासनाने  भत्ता द्यावा.
13. बांधकाम कामगार, घरेलु कामगार मंडळासाठी पुर्ण वेळ कर्मचारी दया. कामगार विभागातील अधिकारी कर्मचारी रिक्त जागा त्वरित भरा.

 आदि ठराव करण्यात आले.

 मेळाव्यात मान्यवरांनी मार्गदर्शन केले. . या प्रसंगी सुनिता कुलकर्णी, रेणुका वंजारी , सुरेखा खैरनार, चित्रा जगताप,  सुरेश पानसरे, निवृत्ती दातीर,  शिवराम रसाळ, भाऊसाहेब शिंदे , उषा अडांगळे,  आदींनी मनोगत व्यक्त केले. मेळाव्यात  सिता शेलके,  जयश्री गुरव, बाळू ढाकणे, राजेन्द्र जाधव, मंदाकिनी पाटिल, संगीता बिरारे, प्रकाश शिंदे आदि उपस्थित होते. सूत्र संचलन भीमा पाटील यांनी केले. आभर  दत्तू तुपे यांनी मानले.

राष्ट्रीय आरोग्य अभियाना अंतर्गत कार्यरत गटप्रवर्तक यांना शासन सेवेत नियमित पदावर थेट समायोजन करणे बाबत. बैठक आरोग्य मंत्र्या सोबत करणार - खा. गोडसे यांचे आश्वासन

 राष्ट्रीय आरोग्य अभियाना 

अंतर्गत कार्यरत गटप्रवर्तक 

यांना शासन सेवेत नियमित 

पदावर थेट समायोजन करणे

 बाबत बैठक आरोग्यमंत्र्यांसोबत करणार - खा. गोडसे यांचे आश्वासन 

 नाशिक: राष्ट्रीय आरोग्य अभियान अंतर्गत कार्यरत कर्मचारी शासन सेवेत नियमित पदावर थेट समायोजन करणे बाबत बैठक दिनांक 18/8/2023 या. मा. मंत्री महोदय, सार्वजनिक आरोग्य व कुटुंब कल्याण यांचे मंत्रालयीन दालन मुख्य इमारत मंत्रालय मुंबई येथे झाली. मात्र गट प्रवर्तक यांना कंत्राटी कर्मचारी पद्धतीने ऑर्डर असताना हि कंत्राटी कर्मचारी समावेश नाही. 

राष्ट्रीय आरोग्य अभियान अंतर्गत गटप्रवर्तक(B.F) सुपरवायझर २००८ पासून कंत्राटी म्हणून ऑर्डर मिळाली होती व कार्यरत आहे कंत्राटी कर्मचारी म्हणून दैनंदिन कामकाज करीत आहे. तरी शासनाने याची दखल घेऊन राष्ट्रीय आरोग्य अभियान अंतर्गत कर्मचारी यांना शासन सेवक नियमित पदावर थेट समयोजन करणे बाबतच्या बैठकीत गटप्रवर्तकांचा समावेश करून उच्च शिक्षित गटप्रवर्तकांना न्याय द्यावा अशी मागणी आयटक संलग्न महाराष्ट्र राज्य आशा गटप्रवर्तक संघटना व वतिने खा . हेमंत गोडसे यांच्या कडे निवेदन व्दारे गट प्रवर्तक संघटना राज्य अध्यक्ष कॉ. राजू देसले यांनी केली. खा. गोडसे यांनी गट प्रवर्तक चा समावेश त्वरीत कंत्राटी कर्मचारी म्हणून व्हावा. व सर्व लाभ त्वरित द्यावेत या संदर्भात मा. आरोग्य मंत्री व मुख्यमंत्री समवेत बैठक आयोजित करण्याचे आश्वासन दिले. उच्च शिक्षित गट प्रवर्तक महीला वर होत असलेल्या अन्याय बाबत पाठपुरावा करण्याचे आश्वासन दिले . या प्रसंगी गट प्रवर्तक आयटक च्या प्रतिभा कर्डक, सुवर्णा लोहकरे, मनीषा खैरनार, रुपाली सानप, सारिका घेगडमाल, साबळे एस, संगीता गांगुर्डे, एस. उगले आदि गट प्रवर्तक उपस्थित होते.

मविप्र संस्थेचे सर्व रोगनिदान शिबिर सभासद व वंचित घटकांसाठीच - अॅड. ठाकरे

मविप्र संस्थेचे सर्व रोगनिदान 

शिबिर सभासद व वंचित 

घटकांसाठीच - अॅड. ठाकरे 

 मौजे सुकेणे येथील शिबिराप्रसंगी सरचिटणीस अँड नितीन ठाकरे यांचे प्रतिपादन 

मौजे सुकेणे ता निफाड येथील सर्व रोगनिदान शिबिराप्रसंगी विचार मांडताना सरचिटणीस अँड नितीन ठाकरे, व्यासपीठावर बाळासाहेब क्षीरसागर, विश्वास मोरे,डी बी मोगल, शिवाजी गडाख आदी

कसबे सुकेणे( प्रतिनिधी) ता,२३- मविप्र संचलित डॉ वसंतराव पवार वैद्यकीय महाविद्यालय, रुग्णालय व संशोधन केंद्र आडगाव, नाशिक यांच्यावतीने राबवले जाणारे सर्व रोगनिदान शिबिर हे मविप्र संस्थेतील सभासद व समाजातील वंचित घटकांसाठीच आयोजित केले जातात असे प्रतिपादन संस्थेचे सरचिटणीस अँड नितीन ठाकरे यांनी प्रतिपादन केले ते मौजे सुकेणे ता,निफाड येथील अखंड हरिनाम सप्ताह अंतर्गत आयोजित येथील महादेव मंदिर सभागृहातील सर्व रोग निदान शिबिराप्रसंगी प्रमुख उद्घाटक म्हणून बोलत होते कार्यक्रमाच्या अध्यक्षस्थानी संस्थेचे उपसभापती डी बी मोगल होते तर व्यासपीठावर उपाध्यक्ष विश्वास मोरे,सभापती बाळासाहेब क्षीरसागर ,तालुका संचालक शिवाजी पाटील गडाख, महिला संचालक सौ शोभा बोरस्ते, शिक्षणाधिकारी डॉ डी डी लोखंडे, अतुल भंडारे,मोतीराम जाधव आदी उपस्थित होते यावेळी प्रमुख उद्घाटक अँड ठाकरे यांनी वर्षभरातील जवळपास ३०० दिवस वैद्यकीय महाविद्यालयाच्या माध्यमातून सर्व रोग निदान शिबिरांचे आयोजन केले जाते त्यात प्रामुख्याने शासनाच्या योजनेचा लाभ रुग्णांना दिला जातो व अँजिओग्राफी व अँजिओप्लास्टी, मूत्रपिंड व मूत्रमार्ग विकार, मेंदू व मज्जासंस्था विकार, अस्थिरुग्ण व अपघाती आजार, जठर व आतडे शस्त्रक्रिया, प्लास्टिक सर्जरी, स्त्रीरोग व बालरोग या व्याधींवर वैद्यकीय उपचार व मोफत शस्त्रक्रिया केल्या जातात अशी ही माहिती दिली सुरुवातीला उपस्थितांच्या हस्ते दीप प्रज्वलन व प्रतिमा पूजन करण्यात आले प्रास्ताविक मौजे सुकेणेचे प्राचार्य रायभान दवंगे यांनी केले प्रमुख अतिथींचा सभासदांच्या वतीने सत्कार करण्यात आला याप्रसंगी सभापती बाळासाहेब क्षीरसागर, व कार्यक्रमाचे अध्यक्ष डी बी मोगल यांनी सर्व रोग निदान शिबिराचा लाभ गरजूंनी घेण्याचे आवाहन केले यावेळी ग्रामस्थांच्या वतीने अँड ठाकरे यांना एक निवेदन देण्यात आले हे शिबिर वैद्यकीय महाविद्यालयाचे प्रवीण वाघ, महेश बेंडकुळे व स्वप्निल कुलकर्णी यांच्या मार्गदर्शनाखाली सकाळी १० ते २ या वेळेत आयोजित करण्यात आले या शिबिरात एकूण ३५१ रुग्णांची तपासणी करण्यात आली त्यापैकी ९५ रुग्णांना पुढील उपचारासाठी वैद्यकीय महाविद्यालयात पाठविण्यात आले शिबिरासाठी मौजे सुकेणे व पंचक्रोशीतील सभासद, रुग्ण, ग्रामस्थ, पालक,जय हनुमान मित्र मंडळ सदस्य, सप्ताह कमिटी सदस्य उपस्थित होते सूत्रसंचालन भारत मोगल यांनी तर आभार सरपंच सचिन मोगल यांनी मानले

 

कसबे सुकेणेतील वृक्षप्रेमी सुधाकर सोनवणे यांच्याकडून शाळेला १९१ वृक्ष भेट

 कसबे सुकेणेतील वृक्षप्रेमी 

सुधाकर सोनवणे यांच्याकडून 

शाळेला १९१ वृक्ष भेट

 रासेयो व हरित सेनेकडून वृक्ष संवर्धनाची हमी

मौजे सुकेणे ता निफाड विद्यालयाला वृक्षप्रेमी सुधाकर सोनवणे यांनी भेट दिलेल्या वृक्षांचे रोपण करताना प्राचार्य रायभान दवंगे,सुधाकर सोनवणे, रामनाथ गंभीरे व आदी

कसबे सुकेणे( प्रतिनिधी) ता,२०- कसबे सुकेणे ता निफाड येथील भूमिपुत्र व वृक्षप्रेमी श्री सुधाकर सोनवणे ह.मुक्काम नासिक यांच्याकडून जवळपास सहा हजार नऊशे वीस रुपयाची १९१ वेगवेगळया प्रकारचे वृक्ष मराठा विद्या प्रसारक समाज संचलित कर्म रावसाहेब थोरात हायस्कूल व ज्यु कॉलेज मौजे सुकेणे या शाळेला भेट देण्यात आले १९१ वृक्षांपैकी विद्यालयातील गुणवंत विद्यार्थ्यांना ५० वृक्ष भेट देण्यात आले त्यात रामफळ,सीताफळ, पारिजात,आवळा व कढीपत्ता या वृक्षांचा समावेश आहे तर शाळेसाठी १४१ दिली असून त्यात वड, ताम्हण, कदंब, पिंपळ, अर्जुन,रंगतरोहिडा, रवाना, जंगलबदाम, यांचा समावेश असून याशिवाय कुंडीमध्ये लावण्यासाठी रेडअरनथम, क्रोटोन,टेबलमाप,अरेकापाम, सॉंग ऑफ इंडिया,ड्रेसीना,रबर, गल्लेमिया,कोष्टीना या शोच्या रोपट्यांचाही समावेश आहे हे वृक्ष श्री सोनवणे यांनी विद्यालयाचे प्राचार्य रायभान दवंगे यांच्याकडे सुपूर्त केले असून विद्यालयाच्या राष्ट्रीय सेवा योजना व हरित सेनेच्या माध्यमातून शाळेच्या भव्य क्रीडांगणा भोवती या वृक्षांची लागवड करण्यात आली यावेळी रासेयो व हरित सेनेने या वृक्षांची जोपासना व संवर्धन करण्याची हमी घेतली असून विद्यालयातील प्रत्येक वर्गाने दोन वृक्ष दत्तक घेतले असून या वर्गाच्या माध्यमातून या वृक्षांची जोपासना केली जाणार आहे या वृक्षांसाठी कसबे सुकेणेतील माजी विद्यार्थी राजेंद्र गांगुर्डे यांनी ड्रिलच्या सहाय्याने मोफत खड्डे पाडून दिले तर या खड्ड्यांसाठी विषमुक्त शेणखत व माती पुरवण्याचे काम विषमुक्त प्रयोग शेतकरी श्याम मोगल यांनी केले तर विद्यालयाच्या आवारात शो चे वृक्ष लावण्यासाठी ४० कुंड्या भेट देण्याचे काम स्कूल कमिटीचे सदस्य रामराव मोगल यांनी केले या सर्व दानशूर व्यक्तींचे गुलाब पुष्प व पुस्तक देऊन मविप्र संस्थेचे उपसभापती श्री डी बी अण्णा मोगल व प्राचार्य रायभान दवंगे यांनी आभार मानले याप्रसंगी रासेयो प्रमुख प्रा दिनकर वाघ, हरित सेना प्रमुख महेंद्र हुजरे,उपमुख्याध्यापक अनिल परदेशी,पर्यवेक्षिका संगीता सोनवणे ,ज्यु कॉलेज विभाग प्रमुख प्रा राजेंद्र धनवटे, अभिनवच्या मुख्याध्यापिका श्रीम सुवर्णा ठाकरे, क्रीडा शिक्षक दिलीप काळे,अनिल उगले सर्व सेवक व विद्यार्थी उपस्थित होते.

  वृक्ष संवर्धन काळाची गरज असून वृक्ष संवर्धन करण्याचे काम खऱ्या अर्थाने विद्यार्थी रुपी भावी पिढीकडूनच होणार असून त्यासाठी शाळांच्या माध्यमातून वृक्ष संवर्धन व्हावे ही अपेक्षा आहे त्यासाठी शाळेला वृक्ष भेट दिले 

- श्री सुधाकर सोनवणे, वृक्षप्रेमी कसबे सुकेणे

 मौजे सुकेणे विद्यालयात समाजदिनी कर्मवीरांना अभिवादन 

गुणवंत विद्यार्थ्यांचा रोख रक्कम ट्रॉफी व वृक्ष देऊन सन्मान

मानवी साखळीद्वारे तयार करण्यात आलेले समाज दिन हे नाव

मौजे सुकेणे ता निफाड विद्यालयात समाजदिनी उपसभापती डी बी मोगल,प्राचार्य रायभान दवंगे,लेखिका सुरेखा बोऱ्हाडे , सर्व गुणवंत विद्यार्थी व आदी 

कसबे सुकेणे( प्रतिनिधी) ता,१९- मविप्र संचलित कर्मवीर रावसाहेब थोरात हायस्कूल व ज्यु कॉलेज मौजे सुकेणे ता निफाड विद्यालयात संस्थेचे आद्य संस्थापक कर्म रावसाहेब थोरात यांच्या जयंतीनिमित्ताने समाजदिनी सर्व कर्मवीरांना अभिवादन करण्यात आले कार्यक्रमाच्या अध्यक्षस्थानी स्कूल कमिटीचे अध्यक्ष अतुल भंडारे होते तर प्रमुख अतिथी म्हणून कवयित्री व लेखिका सुरेखा बो-हाडे, मविप्र संस्थेचे उपसभापती डी बी मोगल उपस्थित होते सुरुवातीला रांगोळी, पुष्परचना, हस्तकला व पाककला स्पर्धेचे उद्घाटन करण्यात आले उपसभापती डी बी मोगल यांच्या हस्ते समाज दिन ध्वजाचे ध्वजारोहण करण्यात आले यावेळी उपस्थितांच्या हस्ते संस्थेच्या कर्मवीरांच्या प्रतिमेचे पूजन करण्यात आले विद्यार्थ्यांनी वेशभूषेद्वारे प्रति कर्मवीरांची भूमिका पार पाडली सर्व कर्मवीरांना स्काऊट गाईड विद्यार्थ्यांच्या वतीने मानवी साखळी द्वारे समाजदिन नाव काढून अभिवादन केले प्रास्ताविक प्राचार्य रायभान दवंगे यांनी तर शालेय पंतप्रधान कु अश्विनी भंडारे, शिक्षक दत्तू पडोळ तर अतिथींच्या वतीने उपसभापती डी बी मोगल व लेखिका सुरेखा बो-हाडे यांनी कर्मवीरांच्या जीवन कार्याची ओळख करून दिली यावेळी इयत्ता पहिली ते बारावीच्या सर्व गुणवंत विद्यार्थ्यांचा रोख रक्कम, प्रमाणपत्र, ट्रॉफी व वृक्ष देऊन गुण गौरव करण्यात आला. दत्त मंदिर प्रशासनाचे प्रमुख महंत सुकेणेकर महाराज व ज्यू कॉलेज विभाग प्रमुख प्रा राजेंद्र धनवटे यांच्या वतीने गरीब व होतकरू विद्यार्थ्यांना गणवेश वाटप करण्यात आले राजेंद्र भालेराव यांनी गुणवंत विद्यार्थ्यांना ट्रॉफी भेट दिली तर सुधाकर सोनवणे यांनी सर्व गुणवंतांना व शाळेसाठी वृक्ष भेट दिले, रामराव मोगल यांनी विद्यालयाला चाळीस कुंड्या भेट दिल्या उपस्थितांच्या हस्ते विद्यालयात वृक्षारोपण करण्यात आले सूत्रसंचालन मुकुंद ताकाटे व भारत मोगल यांनी तर आभार उपमुख्याध्यापक अनिल परदेशी यांनी मानले कार्यक्रमासाठी मोतीराम जाधव,दिलीप मोगल, माधवराव मोगल,विष्णुपंत उगले, सचिन मोगल,आनंदा भंडारे, संदीप कातकाडे,राजाराम भंडारे, विश्वनाथ मोगल, मुरलीधर मोगल, भाऊसाहेब भंडारे,रामराव मोगल, दत्तात्रय काळे,योगेश मोगल, किरण मोगल,रामनाथ गंभीरे आदीसह स्कूल कमिटी सदस्य, शिक्षक पालक व माता पालक संघाचे पदाधिकारी, सभासद, ग्रामस्थ,पालक,सर्व सेवक व विद्यार्थी उपस्थित होते.

कर्मवीर रावसाहेब थोरात जयंती निमित्त माहिती.

 कर्मवीर रावसाहेब थोरात जयंती विशेष  १३३ वी जयंती 

कर्मवीर रावसाहेब थोरात 

कर्मवीर रावसाहेब थोरात यांच्या बद्दल माहिती 

नाशिक तालुक्यात सुकेणे गावी जन्मलेल्या रावसाहेब भाऊसाहेब थोरात यांचे प्राथमिक शिक्षण वणी येथे झाले. माध्यमिक शिक्षण नाशिकच्या ‘सेंट जॉर्जेस विद्यालय’ मध्ये झाले. तो काळ स्वातंत्र्य चळवळींचा होता. नव्या सामाजिक जाणिवांचे वारे महाराष्ट्रात वाहू लागले होते. शाळेत शिकत असताना बहुजन समाजातील पाच टक्के विद्यार्थी देखील शिक्षण घेत नाहीत हे रावसाहेबांच्या लक्षात आले. तेव्हा इंग्रजी सहावीत असताना रावसाहेबांंनी पिंपळगाव बसवंत येथील थोर समाजसेवक गणपतदादा मोरे ह्यांनी चालविलेल्या समाज जागृतीच्या कार्यास स्वत:ला वाहून घेतले. देशातील बहुजन समाजात शिक्षणाचे प्रमाण वाढल्याशिवाय देशातील कोणतीही क्रांती यशस्वी होणार नाही. या विचाराने, श्रीमंत उदाजीराव महाराजांनी दिलेल्या देणगीतून या सर्व कार्यकर्त्यांनी १९१४ मध्ये ‘उदाजी मराठा वसतिगृहा’ची स्थापना केली. नाशिक जिल्हा मराठा विद्या प्रसारक मंडळ यापूर्वीच सुरू झाले होते. या मंडळाची ही पहिली संस्था रावसाहेबांनी नावारूपास आणली. या वसतिगृहात धुळे, जळगाव जिल्ह्यातून मुले जायची.

     राष्ट्रातील बहुजन समाजाला जडलेल्या अज्ञानरोगातून त्याची सुटका करणे या ध्येयाने रावसाहेबांनी लोकसेवेचे व समाज जागृतीचे काम सुरू केले. त्यासाठी ते ‘लोकशिक्षकांच्या’ भूमिकेतून नाशिक जिल्ह्यातील खेडोपाडी ग्रामसभा घेत, मुलांना शिक्षणासाठी प्रवृत्त करीत, आर्थिक मदतही करीत. १९३६ मध्ये नाशिकमध्ये त्यांनी मराठा विद्यालयाची स्थापना केली. गोरे गल्लीत ही शाळा भरत असे.

     शिक्षणाच्या प्रसारासाठी शासनसंस्थेत बहुजन समाजातील माणसे असणे आवश्यक वाटल्याने रावसाहेबांनी निवडणूक लढविली व नाशिक जिल्हा लोकल बोर्डाचे पहिले लोकनियुक्त अध्यक्ष होण्याचा मान त्यांनी मिळविला. १९५२ पर्यंत हा कार्यभार सांभाळला. शिक्षणाविषयीचा त्यांचा दृष्टिकोन अत्यंत आधुनिक व उदारमतवादी होता. आत्मशिक्षणाच्या योगाने ‘आत्मविकास करणे व त्या द्वारा आपला देश, आपले राष्ट्र यांच्या उन्नतीस हातभार लावणे म्हणजे शिक्षण’ ही त्यांची शिक्षणाची व्याख्या होती.

     भारतातील महिला ज्ञानसंपन्न झाल्या पाहिजेत असा त्यांचा आग्रह होता. त्यांनी विद्यार्थ्यांना उद्देशून पत्रे लिहिली ती ‘बोधामृत’ म्हणून प्रसिद्ध झाली. १९३७ च्या विधिमंडळाच्या निवडणूकीत रावसाहेब नाशिकमधून निवडून आले. नंतरच्या काळात डांग, पेठ, सुरगाणा ह्या आदिवासी विभागाचा त्यांनी कायापालट घडविला. त्यांच्या कार्याने प्रभावित होऊन ब्रिटिश सरकारने १९४१ मध्ये ‘रावसाहेब’ पदवी दिली. पण सरकारी रावसाहेब म्हणून मिरवण्यापेक्षा ‘शेतकऱ्यांचे व गरिबांचे रावसाहेब’ राहण्यातच धन्यता मानणाऱ्या रावसाहेबांनी या पदवीचा त्याग केला. 

रावसाहेब थोरात हे संस्थेचे आद्य संस्थापक बहुजन समाजातील शिक्षणाची अत्यल्प प्रमाण पाहून राजश्री शाहू महाराज थोर समाजसेवक गणपत दादा मोरे कॅप्टन डी आर भोसले आणि कीर्तनराव निंबाळकर यांच्यासह बरोबर समाज जागृतीच्या कार्याने प्रभावित होऊन संस्थेच्या कार्याला वाहून गेले 1914 मध्ये नाशिक शहरातील इमारतीत वसतिगृह सुरू करून संस्थेचे रोपटे लावले तेव्हा ते अवघ्या 24 वर्षांचे होते त्यानंतर अखेर पर्यंत मोलाचे योगदान देत आयुष्यभर संस्थेच्या संगोपन व कार्यातून घेतले ग्रामीण भागात त्यांनी गावोगावी शिरोड शेतकऱ्यांच्या मुलांना शिक्षण घेण्याबाबत पालकांचे मन वळविले शेतकरी , ग्रामीण लोकांत  शिक्षणाचे महत्त्व बिंबवले 1941 मध्ये ब्रिटिश सरकारने त्यांना रावसाहेब पदवी दिली त्यांचे कार्य याची माहिती तसेच नव्या पिढीला आदर्श व्हावा म्हणून केटीएचम महाविद्यालय नाशिक , माध्यमिक विद्यालय वडील कनिष्ठ महाविद्यालय मौजे सुकेने , माध्यमिक शाळा मोहाडी आणि संस्थेच्या सभागृहास त्यांचे नाव दिले त्यांचा जन्मदिन संस्थेतर्फे समाज दिन म्हणून पाळला जातो ते नाशिक जिल्हा बोर्डाचे अध्यक्ष होते मुंबई प्रांत विधिमंडळात 1937 आणि मुंबई राज्य विधानसभेत   1952 ते 56 त्यांनी आमदार म्हणून काम केले.  13 मार्च 1958 ला पहाटे त्यांचे कोल्हापूर येथे निधन झाले .

सरस्वती विद्यालयात ७६ वा स्वातंत्र्यदिन साजरा

सरस्वती विद्यालयात ७६ वा स्वातंत्र्यदिन उत्साहात साजरा.

नाशिक ( दि. १५ ) :- दि न्यू एज्युकेशन इन्स्टिट्यूट संचलित सरस्वती विद्यालय, महात्मा गांधी, रोड नाशिक येथे स्वातंत्र्याच्या अमृत महोत्सवी वर्षाचा सांगता समारोह अतिशय जल्लोषात  साजरा  करण्यात आला.   याप्रसंगी संस्थेचे अध्यक्ष मा.श्री.प्रकाशजी वैशंपायन साहेब,उपाध्यक्ष मा.श्री. प्रभाकरजी कुलकर्णी,सर सेक्रेटरी मा.श्री.हेमंतजी बरकले सर, अधिक्षिका श्रीमती सुरेखा कमोद मॅडम सर्व गव्हर्निंग कौन्सिल सदस्य व स्कूल कमिटी सदस्य यांनी सर्वांना स्वातंत्र्य दिनाच्या शुभेच्छा दिल्या.   लेझीमच्या गजरात मान्यवरांचे स्वागत करण्यात आले. शाळेचे चेअरमन मा.श्री.रवींद्रजी कदम सर यांच्या शुभहस्ते ध्वजारोहण करण्यात आले.    यावेळी उपस्थित मान्यवर,शिक्षक,विद्यार्थी व पालक सर्वांनी  पंचप्राण शपथ घेतली.     स्वातंत्र्याच्या अमृत महोत्सवी सांगता समारोप वर्षानिमित्त शाळेत विविध कार्यक्रम साजरा करण्यात आले. 'आजादी का अमृत महोत्सव, 'हर घर तिरंगा' मोहिमे अंतर्गत  विद्यार्थ्यांनी

शालेय परिसरात प्रभात फेरी काढून ,घोषणा देत हर घर तिरंगा मोहिमेचा प्रचार केला. इ.१ ली व २ री  च्या विद्यार्थ्यांनी  भारताच्या स्वातंत्र्यावर आधारित सुंदर अशी नाटिका सादर केली.त्यांना शाळेतील शिक्षिका श्रीमती रंजना वैष्णव,श्रीमती स्वाती आंधळे,सौ.शितल चोथे यांनी मार्गदर्शन केले. विद्यार्थ्यांनी विविध देशभक्त व क्रांतिकारकांच्या वेशभूषा केल्या. शासनाच्या मेरी माटी,मेरा देश उपक्रमांतर्गत शाळेतील विद्यार्थ्यांनी मूठ मूठ माती आणूण कलशात टाकली.

      शाळेचे चेअरमन मा.श्री.रवींद्रजी कदम सर यांच्या अभिनव कल्पनेतून यंदाच्या स्वातंत्र्यदिनी शाळेतील सर्व विद्यार्थ्यांना स्वातंत्र्य दिनाची कायमस्वरूपी आठवण रहावी यासाठी प्रमाणपत्रांचे वाटप करण्यात आले.त्यांनी प्राथमिक शाळेतील कायमस्वरूपी स्मरणात राहणाऱ्या आठवणी,नागरीकांचे हक्क व जबाबदारी याविषयी संवाद साधत आपले मनोगत व्यक्त केले.

       यावेळी शाळेच्या मुख्याध्यापिका मा.सौ. अनुराधा बस्ते मॅडम, असिस्टंट सेक्रेटरी सौ.सरला तायडे मॅडम,स्कूल कमिटी सदस्य मा.श्री.विजय शिरसाट सर,मा.श्रीमती नयना कळमकर मॅडम,पा.शि.संघाचे अध्यक्ष, सकाळ सत्र प्रमुख मा.सौ.माधुरी जोशी,शाळेतील सर्व शिक्षक, विद्यार्थी व पालक उपस्थित होते. कार्यक्रमाचे सुत्रसंचालन व नियोजन श्रीमती स्वाती आंधळे यांनी केले. सौ. जोत्स्ना जोशी,सौ.कविता ठाकरे,श्रीमती प्रिया कुंदे यांनी राष्ट्रगीत,महाराष्ट्र गीत, देशभक्तीपर गीत यांचे गायन केले.श्रीमती पुष्पा गांगुर्डे यांनी घोषणा दिल्या.

मुख्याध्यापिका लता कांबळे यांना आदर्श शिक्षक पुरस्कार जाहीर

 मुख्याध्यापिका लता कांबळे यांना आदर्श शिक्षक पुरस्कार जाहीर 

नाशिक:- मराठा विद्या प्रसारक समाज संस्थेच्या गांधीनगर येथील जनता विद्यालयातील आदर्श शिक्षक पुरस्कार जाहीर केले आहेत मुख्याध्यापिका मंदाकिनी पाटील व पुरस्कार निवड समितीतर्फे सर्व बाबींची पडताळणी करून आदर्श शिक्षक पुरस्काराची घोषणा केली यात लाता कांबळे यांच्या समवेत जेष्ठ शिक्षक विष्णू राजोळे , माधवी गांगोडे , शैलजा भांगरे यांना या वर्षाचा आदर्श पुरस्कार जाहीर केला आहे आदर्श शिपाईचा पुरस्कार सुनील खालकर तर आदर्श लिपिक पुरस्कार नवनाथ वाळके यांना जाहीर केला आहे पुरस्काराचे वितरण शनिवारी 19 तारखेला समाजदिनाच्या निमित्ताने कार्यक्रमात केले जाणार आहे पुरस्कार प्राप्त शिक्षकांचे मुख्याध्यापिका श्रीमती पाटील व सर्व शिक्षक शिक्षकेतर कर्मचारी याबद्दल अभिनंदन केले. 

मौजे सुकेणे विद्यालयात ७७ वा स्वातंत्र्यदिन उत्साहात साजरा

मौजे सुकेणे ता निफाड विद्यालयात ७७ व्या स्वातंत्र्य दिन प्रसंगी राष्ट्रीय ध्वजाचे पूजन व ध्वजारोहण करताना मविप्र संस्थेचे उपसभापती डी बी मोगल, प्राचार्य रायभान दवंगे, मोतीराम जाधव,अतुल भंडारे व आदी

मौजे सुकेणे विद्यालयात ७७ वा स्वातंत्र्य दिन उत्साहात साजरा .

कसबे सुकेणे( दि.१५ ) :- मराठा विद्या प्रसारक समाज संचलित कर्मवीर रावसाहेब थोरात हायस्कूल व ज्यू कॉलेज मौजे सुकेणे ता निफाड विद्यालयात ७७ वा भारतीय स्वातंत्र्य दिन मोठ्या उत्साहात संपन्न झाला कार्यक्रमाच्या अध्यक्षस्थानी विद्यालयाचे प्राचार्य रायभान दवंगे तर प्रमुख अतिथी म्हणून मविप्र संस्थेचे उपसभापती डी बी मोगल होते सुरुवातीला स्काऊट गाईड लीडर कु कल्पेश हळदे याने पुष्पगुच्छ देऊन उपसभापती डी बी मोगल यांचे स्वागत करत त्यांना ध्वजारोहणासाठी निमंत्रित केले याप्रसंगी उपसभापती मोगल यांच्या शुभहस्ते राष्ट्रीय ध्वजाचे पूजन व ध्वजारोहण करण्यात आले यावेळी कलामंच व संगीत शिक्षक रामेश्वर धोंगडे यांनी विद्यार्थ्यांसमावेत सामूहिक राष्ट्रगीत,ध्वजगीत,महाराष्ट्र गीत व समूहगीत सादर केले कार्यक्रमासाठी उच्च माध्यमिक स्कूल कमिटीचे अध्यक्ष अतुल भंडारे,अभिनव कमिटीचे अध्यक्ष मोतीराम जाधव,दिलीप मोगल, सुभाष हळदे,माधवराव मोगल, विष्णुपंत उगले, अण्णासाहेब जाधव,राजाराम भंडारे,विश्वनाथ मोगल,बबनराव वडघुले,रमेश हांडोरे,भाऊसाहेब भंडारे,रामराव मोगल,दत्तात्रय काळे,दत्तात्रय मोगल,रामकृष्ण बोंबले,माधवराव भंडारे,डॉ बाळासाहेब मत्सागर,डॉ जयराज जाधव,अरुण मोगल, रावसाहेब भंडारे,बाळासाहेब काळे,संग्राम मोगल,लालचंद सोनवणे,सुरेश घुगे,डॉ रवींद्र जाधव,योगेश मोगल,किरण मोगल,सरपंच सचिन मोगल,डॉ किरण देशमुख,जयराज दाते आदींसह स्कूल कमिटीचे सदस्य,शाळा व्यवस्थापन समितीचे सदस्य,शिक्षक पालक व माता पालक संघाचे सदस्य, विशाखा समितीचे सदस्य,ग्रामस्थ व पालक मोठ्या संख्येने उपस्थित होते याप्रसंगी नववी ब ची विद्यार्थिनी कु क्रांती काळे हिने वाढदिवसानिमित्ताने गरीब व होतकरू विद्यार्थिनींना वहीचे सेट भेट दिले यावेळी कु श्रावस्ती नन्नवरे,कु जान्हवी अरिगंळे,कु वैष्णवी देशमुख या विद्यार्थिनींनी स्वातंत्र्य दिना विषयी मनोगत व्यक्त केले तर अतिथींच्या वतीने उपसभापती डी बी मोगल यांनी उपस्थितांना स्वातंत्र्य दिनाच्या शुभेच्छा देत स्वातंत्र्य प्रति असलेल्या कर्तव्याची जाणीव करून दिली अध्यक्षिय मनोगतातून प्राचार्य रायभान दवंगे यांनी सर्व अतिथींचे स्वागत करत उपस्थितांना स्वातंत्र्य दिनाच्या शुभेच्छा देत उपस्थितांचे आभार मानले यानंतर स्काऊट गाईड ग्रुपच्यावतीने मौजे सुकेणे येथील शहीद संदीप मोगल यांच्या स्मारकाला अभिवादन करण्यात आले याप्रसंगी ग्रामस्थ, स्वातंत्र्य सैनिक, पालक व विद्यार्थी मोठ्या संख्येने उपस्थित होते प्राचार्य रायभान दवंगे यांच्या हस्ते जवानांच्या आई-वडिलांचा सत्कार यावेळी करण्यात आला सूत्रसंचालन भारत मोगल यांनी केले कार्यक्रमाच्या यशस्वीतेसाठी उपमुख्याध्यापक अनिल परदेशी, पर्यवेक्षिका संगीता सोनवणे,ज्यु कॉलेज विभाग प्रमुख प्रा राजेंद्र धनवटे, अभिनवच्या मुख्याध्यापिका सुवर्णा ठाकरे, शालेय पंतप्रधान कु अश्विनी भंडारे,सर्व शिक्षक, शिक्षकेतर कर्मचारी व विद्यार्थ्यांनी परिश्रम घेतले.

 

के.के वाघ युनिव्हर्सल स्कूलमध्ये गायन व सायन्स मॉडेल स्पर्धा उत्साहात संपन्न

 के.के वाघ युनिव्हर्सल स्कूलमध्ये गायन व सायन्स मॉडेल स्पर्धा उत्साहात संपन्न

नाशिक :- दिनांक ११ ऑगस्ट २०२३ रोजी के.के वाघ शिक्षण संस्था व मुक्तांगण आयोजित गरु - शिष्य स्मृतीमाह स्पर्धा ४० वे निमित्त जिल्हास्तरीय गायन व सायन्स मॉडेल स्पर्धा मोठ्या आनंदात , उत्साहात व कूतुहलपुर्वक वातावरणात घेण्यात आली. के.के वाघ शिक्षण संस्थेच्या सरस्वती नगर कॅम्पस मध्ये दि. ३ ऑगस्ट २०२३ ते २ सप्टेंबर २०२३ या कालावधीत विविध स्पर्धांचे आयोजन करण्यात आले आहे . जिल्हास्तरीय विविध स्पर्धांपैकी ११ ऑगस्ट २०२३ च्या गायन व सायन्स मॉडेल स्पर्धेचे संयोजन के.के. वाघ युनिव्हर्सल स्कूल डी.जी.पी नगर , नाशिक यांनी केले. कार्यक्रमाची सुरुवात सरस्वती मातेच्या पुजनाने व दीपप्रज्वलनाने करण्यात आली. कार्यक्रमाचे प्रास्ताविक के.के वाघ परफॉर्मिंग आर्ट कॉलेजचे प्राचार्य श्री. मकरंद हिंगणे यांनी केले. कार्यक्रमाच्या अध्यक्षस्थानी बोलताना श्री. अजिंक्य वाघ म्हणाले की विद्यार्थ्यांच्या लपलेल्या गुणांना वाव देणे व कल्पनाशक्तीचा विकास करणे गरजेचे आहे असे सांगितले. समूह गायन , वैयक्तिक गायन व सायन्स मॉडेल स्पर्धेसाठी एकूण १०४ विद्यार्थ्यांनी सहभाग नोंदवला होता. हे विद्यार्थी नाशिक जिल्ह्यातील अनेक ग्रामीण व शहरी भागातील शाळांमधून आले होते . सायन्स मॉडेल एकापेक्षा एक अधिक उत्कृष्ट व नावीन्यपूर्ण कल्पनांचे प्रत्यक्षदर्शी सादरीकरण होते. समूह गायन व वैयक्तिक गायन संपूर्ण वातावरणाला मोहून टाकणारे होते . 
सायन्स मॉडेल स्पर्धेसाठी सहभागी विद्यार्थ्यांची नावे खालीलप्रमाणे:
ग्रामीण भागातील विद्यार्थी 
वेदांत भोर व स्वरा भोर ( लहान गट ) 
वेदांत करडे व दर्शन घोलप ( मोठा गट ) यांनी प्रथम क्रमांक पटकावला. 
शहरी भागातून निशांत दिवे ( लहान गट) , रोहित पाटील व कार्तिक पांडे ( मोठा गट ) यांनी प्रथम क्रमांक पटकावला. 
के.के वाघ युनिव्हर्सल स्कूल , डी.जी.पी नगर येथील आर्यन नखाटे , ओम कर्डिले व दक्ष मोतारी यांनी द्वितीय क्रमांक पटकावला. 
गायन स्पर्धेत ( सामूहिक) 
छत्रपती शिवाजी महाराज विद्यालय, रानवड ( लहान गट ) , राईज एक्सप्रिरियल स्कूल, पिंपळगाव ( मोठा गट ) यांनी प्रथम क्रमांक पटकावला. 
वैयक्तिक गायन स्पर्धेत
आदित्य बस्ते ( लहान गट) 
कृष्णा चौधरी ( मोठा गट) यांनी प्रथम क्रमांक पटकावला. 
उपस्थित सर्व विद्यार्थ्यांना विश्वस्त श्रीमती. शकुंतला वाघ व विभागीय सचिव श्री. मच्छिंद्र कदम यांनी विजेत्यांचे अभिनंदन केले व भावी वाटचालीसाठी शुभेच्छा दिल्या. सदर कार्यक्रमाच्या प्रसंगी के.के वाघ शिक्षण संस्थेचे विश्वस्त श्री. अजिंक्य वाघ , सौ. अवंतिका वाघ सरस्वती कॅम्पसचे समन्वय डॉ. व्हि.एम. सेवलीकर के.के वाघ शाळा व महाविद्यालयाचे समन्वय डॉ. बी.व्ही कर्डिले, शालेय समितीचे अध्यक्ष शि.क नाठे, डॉ. अनिल माळी , प्राचार्य मकरंद हिंगणे, ए.के दिक्षित, सुप्रसिद्ध सतारवादक उध्दव अष्टुरकर , प्राचार्या सौ.अश्विनी पवार , प्राचार्या सौ.निशा एंडाईत, प्राचार्या सौ. अमृत राव व के.के वाघ युनिव्हर्सल स्कूलच्या प्राचार्या सौ. चित्रा नरवडे . जिल्ह्यातून आलेले १०४ विद्यार्थी स्पर्धक , शिक्षक उपस्थित होते. सदर कार्यक्रमाचे सूत्रसंचालन शाळेचे शिक्षक श्री. उमेश सुर्यवंशी, सौ. प्राजक्ता अत्रे व सौ. स्वप्नाली शिंपी यांनी केले. उपस्थितांचे आभार मानून कार्यक्रमाची सांगता वंदे मातरमने करण्यात आली.

९ ऑगस्ट रोजी आयटक सलग्न कामगार कर्मचारी संघटना केंद्र व राज्य सरकार धोरण विरोधात रस्त्यावर!!

क्रांतीदिनानिमित्त आयटक सलग्न कामगार कर्मचारी संघटना केंद्र व राज्य सरकार धोरण विरोधात रस्त्यावर ! 

 

मोर्चेकरांना संबोधित करतांना कॉ. राजू देसले 

नाशिक: केंद्र राज्य सरकार कामगार कर्मचारी विरोधी धोरण राबवत आहे. देशभरात 9 ऑगस्ट रोजी आयटक सह केंद्रीय कामगार कर्मचारी संघटना रस्त्यावर उतरणार आहेत. कामगार, कर्मचारी विरोधी चार श्रम सहिता रद्द करा, योजना कर्मचारी आशा, गट प्रवर्तक, कंत्राटी नर्सेस, अंगणवाडी सेविका , ग्राम रोजगार सेवक, यांना किमान वेतन लागू करा. गट प्रवर्तक ना शासकीय कर्मचारी दर्जा देईपर्यंत त्वरित वेतन सुसूत्रीकरण मध्ये समावेश करावा. ग्राम रोजगारसेवक अतिरीक्त नेमणूक पत्र रद्द करा. दीपावली बोनस द्या, ग्राम पंचायत कर्मचारी ना पेन्शन लागू करा जीप कर्मचारी दर्जा द्या, अंशकालीन स्री परिचर ना जीप सेवेत सामावून घ्या, शालेय पोषण आहार योजना कर्मचारी ना किमान वेतन लागू करा, घर कामगार मोलकरीण ना सामाजिक सुरक्षा लागू करा, बांधकाम कामगार ना सामाजिक सुरक्षा देण्यासाठी पूर्णवेळ कर्मचारी नेमा, हातपंप दुरुस्ती देखभाल कर्मचारी ना जिल्हा परिषद ने सातवा वेतन लागू करा. जीप सेवेत कायम करा. विज बिल कायदा 2023 रद्द करा. ई पी एस 95 पेंशनर्स ला त्वरित 9हजार रूपये महागाई भत्ता सह लागू करा. कामगार कर्मचारी विरोधी धोरण रद्द करा आदि मागण्यासाठी आंदोलन करण्यात येणार आहे. आयटक नाशिक जिल्हा अध्यक्ष कॉ. वी .डी धनवटे होते. राज्य सचिव आयटक कॉ. राजू देसले यांनी नेतृव केले 9ऑगस्ट रोजी नाशिक जिल्ह्यात आंदोलन यशस्वी केले. मोठ्या संख्येने सहभाग होता . 9ऑगस्ट रोजी गोल्फ क्लब मैदान नाशिक येथून जिल्हाधिकारी कार्यालय वर मोर्चा काढण्यात आला होता . बैठकीस आयटक नेते सखाराम दुर्गुडे,नामदेव बोराडे, चित्रा जगताप, हसीना शेख, माया घोलप,भीमा पाटील, राजेन्द्र जाधव, एस खतीब, छाया वराडे, रामचंद्र टिळे , निवृत्ती कसबे, राजेन्द्र जाधव,राजेंद्र जगताप, मीनाक्षी मोरे आदि पदाधिकारी उपस्थित होते.

 

मोर्चाचं आयटक संलग्न संघटना व भाकप, किसान सभा,आशा, गट प्रवर्तक, ग्रामपंचायत कर्मचारी, ग्राम रोजगार सेवक, विज वर्कर्स फेडरेशन, मोलकरणी , बांधकाम कामगार , ईपी एस 95 पेंशनर्स, कंत्राटी नर्सेस , ग्रिवज कामगार आदि चा सहभाग

संपादकीय : पर्यावरण संवर्धन

 संपादकीय 

पर्यावरण संवर्धन 

सध्याचे युग हे तंत्रज्ञानी आहे. मागील दोन वर्षात आपल्याला पर्यावरण, निसर्ग हे काय आहे आणि ते का जपावे हे कळालेच असेल . मागील वर्षी २०२० मध्ये कोरोना सारख्या मोठ्या महामारीचे संकट अख्ख्या जगात पसरले होते ह्यात रुग्णांना गरज भासत होती ती प्राणवायू म्हणजेच ऑक्सिजनची मात्र आपल्याच दोषांमुळे, चुकांमुळे आपलाच अंत झाला असे म्हटले तरी वावगे ठरणार नाही ‌ हे का झाले ? हे कदाचित लोकांना माहिती नसावे. मनुष्य आपल्या स्वार्थासाठी कोणाचाही बळी घेऊ शकतो ह्यामुळे हे झाले असावे. वृक्षतोड हे ह्याचे मुख्य कारण आहे. लहानपणापासून ऐकता - वाचता की वनस्पती सजीव आहेत. सुर्याच्या प्रकाशामार्फत ते श्वास घेतात. मग सजीवाने सजीवाचीच हत्या का करावी ? झाडांपासून आपल्याला प्राणवायू मिळतो परंतु आपण अनेक कारणांसाठी वृक्षतोड करतो परंतु वृक्ष लागवड करत नाही. या कारणांमुळे कोरोना स्थितीत अनेक रूग्णांना प्राणवायूचा तुटवड्यामुळे त्यांचा मृत्यू झाला. तुम्ही तुमच्या घराच्या फर्निचरसाठी पक्ष्यांचे घरे उद्ध्वस्त करून वृक्षतोड करून आपले घरे बांधतात. तुम्हाला राहायचा हक्क आहे त्याचप्रमाणे त्यांचाही ह्या जमिनीवर , आकाशावर , निसर्गावर राहण्याचा विसावण्याचा हक्क आहे. झाडे नसल्याने अनेक मोठ्या - मोठ्या शहरांतून पक्षी नाहीसे झाले आहेत. निसर्गाचे संतुलन बिघडले असल्याने सृष्टीचा कारभारही बिघडला आहे असे अनेकदा अनुभवते. पृथ्वीच्या अंतरंगात , भूगर्भात उष्णता वाढल्याने हिवाळ्यात, पावसाळ्यातही अनेक ठिकाणी उन्हाच्या झळा पडतात. ह्यामुळे पावसाळ्यात सुध्दा अनेकदा पाऊस गैरहजर असतो यामुळे अनेक गावांमध्ये पाणी टंचाई, दुष्काळ यांसारख्या समस्या नागरिकांना भेडसावत असतात. भूभागात उष्णता वाढण्याचे कारण रस्ताही असावा. रस्ता बनवतान काँक्रीट , डांबर यांचे मिश्रण योग्य पद्धतीने नसते. यामुळे रस्ते अधिक उंच किंवा जाड बनतात व रस्त्यावर अनेकदा अनेकवेळा डांबर टाकले जाते ह्यामुळे पावसाळ्यात पावसाचे पाणी जमिनीत मुरत नाही. ह्यामुळे भूभाग थंड होत नाही. ह्याचे हे कारण असू शकते. 

   भारत जरी तंत्रज्ञान आणि प्रगती साध्य केलेला देश असला तरीही पर्यावरण संतुलित राखण्यासाठी कोणीही पुढाकार घेत नाही. वर्षातून फक्त ५ जून रोजी सोशल मिडियावर प्रसिद्धी मिळवण्यासाठी वृक्षारोपण करतात परंतु नंतर रोपाकडे कोणीही लक्ष देत नाही. काही पर्यावरण, निसर्ग प्रेमी अनेकदा वृक्षारोपण करतात व निसर्गाने दिलेल्या असंख्य गोष्टींचा मोबदला देतात‌ परंतु प्राणवायू, निसर्गाचे सान्निध्य इ. ह्या सर्व गोष्टींची गरज आपल्या सर्वांना आहे. लोक जसे गरज नसलेल्या कार्यक्रम, वाढदिवस शुभारंभ इ. साठी हजेरी लावतात सहभाग घेतात त्याचप्रमाणे सहभाग घेणारे व आयोजित करणाऱ्यांनी सुध्दा वृक्षारोपणाच्या , स्वच्छता अभियानाच्या इ. कार्यक्रमात उस्फूर्तपणे सहभागी व्हायला हवे. सर्वात पहिले हवा प्रदुषणामुळे निसर्गात व माणसांमध्ये विविध आजार पसरले आहे. वाहनांच्या निघणाऱ्या धुरामुळे निसर्गाच्या स्वच्छ हवेत दुषित हवा प्रस्थापित होते . यामुळे आपल्याला दुषित हवा मिळते व अनेक आजार शरीरात पसरतात. वाहनांमुळे ध्वनिप्रदूषण होते. सरकारने इंधन जाळणाऱ्या सर्व वाहनांवर बंदी आणायला हवी. वाहनांमुळे शहरात वाहनांची कोंडी होते. नागरिकांनी इंधन जाळणाऱ्या वाहने सोडून सायकल वापरणे सरु केले पाहिजे. सायकल वापरल्याने माणसांचे स्वास्थही सुदृढ राहील तसेच होणारे प्रदुषणही थांबेल . भारतातील युवा पिढीने वृक्षारोपण व पर्यावरण संवर्धनासाठी पुढाकार घेण्याची काळाची गरज आहे. आणि तो त्यांनी घ्यावाच.

लेखक :- प्रसाद भालेकर 

९ ऑगस्ट रोजी सलग्न कामगार कर्मचारी संघटना केंद्र व राज्य सरकार धोरण विरोधात रस्त्यावर !

 ९ ऑगस्ट रोजी सलग्न कामगार कर्मचारी

 संघटना केंद्र व राज्य सरकार धोरण 

विरोधात रस्त्यावर ! 

नाशिक ( दि. ७ ) : केन्द्र व राज्य सरकार कामगार कर्मचारी विरोधी धोरण राबवत आहे. देशभरात 9 ऑगस्ट रोजी आयटक सह केंद्रीय कामगार कर्मचारी संघटना रस्त्यावर उतरणार आहेत. कामगार, कर्मचारी विरोधी चार श्रम सहिता रद्द करा, योजना कर्मचारी आशा, गट प्रवर्तक, कंत्राटी नर्सेस, अंगणवाडी सेविका , ग्राम रोजगार सेवक, यांना किमान वेतन लागू करा. गट प्रवर्तक ना शासकीय कर्मचारी दर्जा देईपर्यंत त्वरित वेतन सुसूत्रीकरण मध्ये समावेश करावा. ग्राम रोजगारसेवक अतिरीक्त नेमणूक पत्र रद्द करा. दीपावली बोनस द्या, ग्राम पंचायत कर्मचारी ना पेन्शन लागू करा जीप कर्मचारी दर्जा द्या, अंशकालीन स्री परिचर ना जीप सेवेत सामावून घ्या, शालेय पोषण आहार योजना कर्मचारी ना किमान वेतन लागू करा, घर कामगार मोलकरीण ना सामाजिक सुरक्षा लागू करा, बांधकाम कामगार ना सामाजिक सुरक्षा देण्यासाठी पूर्णवेळ कर्मचारी नेमा, हातपंप दुरुस्ती देखभाल कर्मचारी ना जिल्हा परिषद ने सातवा वेतन लागू करा. जीप सेवेत कायम करा. विज बिल कायदा 2023 रद्द करा. ई पी एस 95 पेंशनर्स ला त्वरित 9 हजार रूपये महागाई भत्ता सह लागू करा. कामगार कर्मचारी विरोधी धोरण रद्द करा आदि मागण्यासाठी आंदोलन करण्यात येणार आहे. आयटक नाशिक जिल्हा पदाधिकारी बैठक आयटक कामगार केंद्र नाशिक येथे झाली. अध्यक्षस्थानी कॉ. वी .डी धनवटे होते. राज्य सचिव आयटक कॉ. राजू देसले यांनी मार्गदर्शन केले. व 9ऑगस्ट रोजी नाशिक जिल्ह्यात आंदोलन यशस्वी करावे. मोठ्या संख्येने सहभागी व्हावे असे आवाहन केले. 9 ऑगास्ट रोजी गोल्फ क्लब मैदान नाशिक येथून दू. 1वा .जिल्हाधिकारी कार्यालय वर मोर्चा काढण्यात येणार आहे. बैठकीस आयटक नेते सखाराम दुर्गुडे,नामदेव बोराडे, चित्रा जगताप, हसीना शेख, माया घोलप,भीमा पाटील, राजेन्द्र जाधव, एस खतीब, छाया वराडे, रामचंद्र टिळे , निवृत्ती कसबे, राजेन्द्र जाधव,राजेंद्र जगताप, मीनाक्षी मोरे आदि पदाधिकारी उपस्थित होते.

अण्णा भाऊ साठे हे कम्यनिष्ट चळवळीचं विद्यापिठ होत. कॉ राजू देसले

 अण्णाभाऊ साठे जयंती विशेष 

१ / ०८ / २०२३ 

अण्णा भाऊ साठे हे कम्यनिष्ट 

चळवळीचं विद्यापिठ होत - कॉ . 

राजू देसले

महादेव खुडेंचे अण्णाभाऊ ; अलक्षित पैलूंचे आकलन पुस्तकाचे प्रकाशन उत्साहात

(नाशिक ता.१ ) प्रगतिशील लेखक संघ नाशिक व इप्टा नाशिकच्या वतीने अण्णाभाऊ साठे जयंतीनिमित्त चळवळीतील कार्यकर्ते लेखक महादेव खुडे लिखित 'अण्णाभाऊ साठे यांचे विचार व साहित्य अलक्षित पैलूंचे आकलन' पुस्तकाचा प्रकाशन सुप्रसिद्ध कवीइतिहास तज्ञ नाशिक जीएसटी विभागाचे उपायुक्त समाधान महाजन यांच्या हस्ते १ ऑगस्ट रोजी हुतात्मा स्मारक नाशिक येथे होत असून कार्यक्रमाचे अध्यक्षस्थान प्रगतिशील लेखक संघ राज्य सचिव तथा 'पुरोगामी ' कादंबरीचे लेखक राकेश वानखेडे हे भुषवणार आहेत. प्रगतिशील लेखक, कवी, पत्रकार, चित्रकार, असे अनेक सर्जनशील घटकांची उपस्थिती लाभणार आहे. या प्रसंगी अ लोकवाड:मय प्रकाशन गृह कॉ. राजू देसले उपास्थित राहणार आहे.अरुण घोडेराव प्रगतिशिल लेखक संघ उत्तर महाराष्ट्र अध्यक्ष कवी प्रमोद अहिरे उपस्थित राहणार आहेत.सदर प्रकाशन सोहळात बहुसंख्येने उपस्थित राहण्याचे आवाहन प्रगतिशील लेखक संघाचे जिल्हा सचिव प्रल्हाद पवार व इप्टा नाशिक चे तल्हा शेख यांनी केले आहे. लेखक महादेव खुडे : अण्णा भाऊ साठेच्या साहित्याची चिकित्सा करणे आवश्यक वाटले. सध्याचा काळ जात अस्मिता अधिक तिव्र होण्याचा आहे.धर्म जातीचा विचार मांडत सत्ताधारी जात अस्मिता तिव्र करण्यास खतपाणी घालतात.
अण्णाभाऊ आजीवन कॉम्रेड होते. त्यांच्या विचारांना तिलांजली देण्यासाठी सध्याच्या राजकारण्यांना रस.
 प्रमुख पाहूणे समाधान महाजन यांनी आपले विचार मांडले ते म्हणाले:- इतिहास हा माझा आवडता विषय आहे. कॉ महादेव खुडे यांचं पुस्तक
बरं झालं इंग्रज आलं व पेशवाई गेली. पुरोगामी महाराष्ट ही केवळ बिरुदावली न मिरवता आपल्या वर्तन व्यवहारात पुरोगामीत्व दिसावं.
महापुरुषांच्या विचारांची चिकित्सा करतांना तत्कालिन समाज वास्तवाचं आकलन झाल्याशिवाय संबंधीत महापुरुष आपणांस कळू शकत नाही.
ब्रिटीश भारतात आल्यामुळे ग्राम व्यवस्थेतील व्यवहारांत बदल झाल्याचे दिसून येते. त्यातून समाज व जात वास्तव समजून घेत इथला उपेक्षित नायक बोलता झाला.
आर्थशास्त्राकडे बघण्याची नवी दृष्टी कार्ल मार्क्स ने दिली.
दलित साहित्य हे वैश्विक असण्या मागे त्यांचं लेखन वैयक्तिक जीवनावर आधारित आहे.

परिवर्तनवादी विचारांच्या महापुरुषांचा इतिहासात समावेश सन २०१२ पर्यंत नसणे हे खेदजनक आहे.
कम्यूनिष्ट पक्ष इथली जात व्यवस्था समजून घेण्यात कमी पडला असा उल्लेख महादेव खुडेच्या पुस्तकात येते हे धाडसी वाक्य आहे.
कार्यक्रमाचे अध्यक्ष राजेश वानखेडे यांनी आपले विचार मांडले ते म्हणाले:- 
रस्त्यावरील चळवळ करत प्रचंड व्यासंग जोपासत महादेव खुडे यांनी अण्णा भाऊ साठे यांचे विचार व साहित्यातील अलक्षित पैलू या पुस्तकात अभ्यासपूर्ण मांडणी केली आहे.
महापुरुषांच्या विचारांची चिकित्सा करतांना ती प्रामाणिक पणे करावी. टिकाकारांमुळे महापुरुष सर्वदूर पोहचतात.
खूडेंचं पुस्तक एक प्रकारची आत्मटिका आहे. त्यातून अधिक सकस साहित्य निर्मिती होतं.
कांदबरी हा साहित्य प्रकार लोकशाही प्रणाली बरोबर चालणारा आहे. लोकशाहीच्या हातातलं शस्त्र हे कादंबरी आहे. हा प्रकार अण्णा भाऊंनी समर्थपणे पेलला.
आलेल्या सर्व पाहुण्यांचे , मान्यवरांचे आभार विराज देवांग यांनी मानले.