किशोर येवले यांनी पिंच्याक सिल्याट स्पर्धेत रौप्य पदक जिंकून रचला नवा इतिहास

अबू धाबी, 22 डिसेंबर 2024:
अबू धाबी, दुबई येथे 18 ते 22 डिसेंबर 2024 या कालावधीत झालेल्या 20 व्या जागतिक पिंच्याक सिल्याट स्पर्धेत महाराष्ट्र पिंच्याक सिल्याट असोसिएशनचे महासचिव आणि इंडियन पिंच्याक सिल्याट फेडरेशनचे अध्यक्ष मा. श्री. किशोर येवले यांनी भारताचे प्रतिनिधित्व करत रौप्य पदक जिंकून देशासाठी ऐतिहासिक कामगिरी केली आहे.

या स्पर्धेत 44 देशांतील 120 खेळाडूंनी सहभाग नोंदवला होता. किशोर येवले यांच्या यशामुळे पिंच्याक सिल्याट खेळात नवा आदर्श प्रस्थापित झाला असून, त्यांनी युवा खेळाडूंना प्रेरणा दिली आहे. त्यांच्या या यशाबद्दल नाशिक पिंच्याक सिल्याट असोसिएशनचे सचिव नागेश बनसोडे यांनी समस्त नाशिककरांच्या वतीने त्यांचे अभिनंदन केले.

पिंच्याक सिल्याट हा इंडोनेशियन मार्शल आर्ट प्रकार असून, टॅंडींग (फाईट), तुंगल (सिंगल काता), रेगु (ग्रुप काता), गांडा (डेमी फाईट), आणि सोलो (इव्हेंट) अशा पाच प्रकारांत तो खेळला जातो. 1 सप्टेंबर 2020 रोजी भारतीय क्रीडा मंत्रालयाने या खेळाचा समावेश 5% राखीव नोकरभरतीमध्ये केला आहे.

या खेळाला "युवक कल्याण आणि क्रीडा मंत्रालय, भारत सरकार," "भारतीय विश्वविद्यालय संघ," आणि "अखिल भारतीय पोलीस खेळ नियंत्रण मंडळ" यांसारख्या संस्थांची मान्यता असून, तो एशियन गेम्स, युथ गेम्स, आणि एशियन बीच गेम्स यांसारख्या प्रमुख राष्ट्रीय व आंतरराष्ट्रीय स्पर्धांमध्ये अधिकृतपणे खेळला जातो.

गोव्यात 14 मे 2023 रोजी झालेल्या 37 व्या राष्ट्रकुल स्पर्धांमध्ये भारतीय ऑलिम्पिक असोसिएशनने पिंच्याक सिल्याट खेळाचा समावेश केला होता. महाराष्ट्र संघाने मागील 11 वर्षांपासून या खेळात आपले वर्चस्व कायम राखले आहे.