मुलांच्या कलागुणांना योग्य व्यासपीठ मिळणे गरजेचे:- ॲड. नितीन ठाकरे 

नाशिक:- मराठी राजभाषा दिनाचे औचित्य साधून जीवन केशरी मराठी युट्यूब चॅनेलचे प्रमुख प्रसाद भालेकर ह्यांच्या वतीने नाशिक शहरात घेण्यात आलेल्या वक्तृत्व व निबंध स्पर्धेचे निकाल जाहीर झाले आहेत. नाशिक शहरातील इयत्ता पाचवी ते दहावीच्या विद्यार्थ्यांसाठी स्पर्धेचे आयोजन करण्यात आले होते. ह्या स्पर्धेस संपूर्ण शहरातून उदंड प्रतिसाद लाभला . वक्तृत्व व निबंध स्पर्धेत सुमारे २०० विद्यार्थ्यांनी सहभाग नोंदविला होता. 

वक्तृत्व स्पर्धेचा निकाल पुढीलप्रमाणे 

१) तेजल नंदकुमार निकम - प्रथम क्रमांक

वाघ गुरूजी बाल शिक्षण मंदिर, नाशिक

२) ओमकार सुरज देवरे - द्वितीय क्रमांक

पेठे विद्यालय, नाशिक

३) कनक अजयकुमार गुप्ता - तृतीय क्रमांक

वाघ गुरूजी बाल शिक्षण मंदिर, नाशिक

४) उत्तेजनार्थ क्रमांक:- श्रेया दिवाकर इंगळे

जनता विद्यालय गोरेराम लेन, नाशिक

निबंध स्पर्धेचा निकाल पुढीलप्रमाणे

१) रोहिणी प्रविण गांगुर्डे - प्रथम क्रमांक

जनता विद्यालय, पवननगर, सिडको

२) संकेत सुनील नागरे - पुरषोत्तम इंग्लिश स्कूल, नाशिक

३) प्रतिक्षा गोरखनाथ बागुल - जनता विद्यालय, पवननगर, नाशिक

४) गौरी संतोष नारखेडे - उत्तेजनार्थ क्रमांक

होरायझन इंग्लिश स्कूल, नाशिक

स्पर्धेच्या आयोजनाचा मुलभूत हेतू हा विद्यार्थ्यांच्या विचारांना योग्य व्यासपीठ मिळावे हाच होता. स्पर्धा हि ऑनलाईन पद्धतीने पार पडली‌. विजेत्यांचे सन्मानपत्र+ बक्षीस हे त्यांच्या शाळेत पोहचविण्यात येणार आहे. सन्मानपत्राद्वारे मराठा विद्या प्रसारक समाज संस्थेचे सरचिटणीस ॲड. नितीन ठाकरे, नाशिक पूर्व विधानसभाचे आमदार ॲड. राहुल ढिकले, दै.भ्रमरचे संपादक श्री. चंदुलाल शहा , मराठा समाज ‘सय’ संस्थेचे संस्थापक अध्यक्ष श्री. विजय खैरे ह्या मान्यवरांनी विजेत्यांचे अभिनंदन केले व पुढील वाटचालीसाठी हार्दिक शुभेच्छा दिल्या. स्पर्धेच्या आयोजनात आदित्य रिकामे, ओम क्षिरसागर, ओमकार कुटे ह्यांचे सहकार्य मिळाले. 

प्रतिक्रिया 

 

विद्यार्थ्यांच्या कलागुणांना वाव मिळणे व योग्य व्यासपीठ मिळणे हे गरजेचे आहे. 
:- ॲड. नितीन ठाकरे, सरचिटणीस, मविप्र नाशिक

मुलांच्या विचारांना व त्यांच्या कलागुणांना योग्य व्यासपीठ मिळावे यासाठी आम्ही नेहमीच प्रयत्नशील असतो. आणि त्याच हेतूने आम्ही मराठी राजभाषा दिनानिमित्त वक्तृत्व व निबंध स्पर्धेचे आयोजन केले होते. आणि ह्यात आम्हाला नाशिक शहरातील तमाम शाळेचे मुख्याध्यापक, शिक्षक , विद्यार्थी व पालक ह्यांनी दिलेल्या प्रतिसादाबद्दल मनःपूर्वक आभार.
- प्रसाद भालेकर , आयोजक

पहिल्या ऑल इंडिया  पिंच्याक सिलॅट चॅम्पियनशिप मध्ये नाशिक च्या  खेळाडूंचे वर्चस्व

 नाशिक :- पहिल्या ऑल इंडिया पिंच्याक सिलॅट स्पर्धेचे आयोजन महाराष्ट्र पिंच्याक सिलॅट असोसिएशन  ने दि.18व 19 फेब्रुवारी 2024 रोजी डिस्ट्रिक्ट स्पोर्ट कॉम्प्लेक्स, नांदेड येथे आयोजित करण्यात आली होती. या स्पर्धेत नाशिक च्या खेळाडूंनी आपले वर्चस्व प्रस्थापित केले‌.

 मा. इंडियन पिंच्याक सिलॅट फेडरेशनचे राष्ट्रीय अध्यक्ष किशोर येवले,  यांच्या उपस्थितीत उदघाटन समारंभ पार पडला. या स्पर्धा सर्व वयोगटातील मुले व मुलीं साठी घेण्यात आल्या. 

स्पर्धेचा बक्षीस समारंभ  इंडियन पिंच्याक सिलॅट फेडरेशनचे राष्ट्रीय अध्यक्ष किशोर येवले, आमदार मा.श्री. बालाजी कल्याणकर ( नांदेड), तृप्ती बनसोडे सदस्य- महाराष्ट्र पिंच्याक सिलॅट असोसिएशन आदी मान्यवरांच्या उपस्थितीत पार पडला. 3 रौप्य, 8 कांस्य पदक नासिक संघाने प्राप्त  केले आणि यामध्ये निवड झालेल्या खेळाडूंचे अभिनंदन करून किशोर येवले यांनी खेळासाठी आणि खेळाडूंसाठी घेतलेल्या मेहनतीचे  कौतुक केले. या खेळाडूंना श्री. नागेश बनसोडे( नाशिक पिंच्याक सिल्याट असोसिएशन सचिव) यांनी मार्गदर्शन केले.

विजयी खेळाडूंची नावे

इंद्रा बनसोडे याने 3-6 वयोगटात टेंडिंग या प्रकारात (रौप्य)पदक मिळवले व   पर्व उबाळे ने (रौप्य) पदक मिळवले तसेच निधीश मुंबरकर ने (कास्य) पदक मिळवले.10-11 या वयोगटात अर्णव विधाते (कास्य), अथर्व बर्वे ( कास्य) , आरोही छडीदार ( कास्य),सिद्धी लुनावत ( कास्य), ऋषिका कुल्हारे ( कास्य) पदक मिळवले.     12-13 या वयोगटात  विराज कवडे याने (कास्य) ,  गणेश खंडेराव याने ( कास्य) , पदक मिळवले .14-16 या वयोगटात  समीक्षा देहाड ( रौप्य) पदक मिळवले. तसेच आर्यन सुर्वे, चेतन पवार,प्रसाद पाटील, ओंकार पाटील,कीर्ती पाटील, अंजली राजपूत,प्रतीक्षा नगुलकर, नितीन नगुलकर आदी खेळाडूंनी आपला सहभाग नोंदविला होता.

पिंच्याक सिलॅट खेळ इंडोनेशियन मार्शल आर्टचा खेळ प्रकार असून, (१) टॕंडींग (फाईट) (२) तुंगल (सिंगल काता) (३) रेगु (ग्रुप काता), (४) गांडा (डेमी फाईट) (५) सोलो (इव्हेंट) या पाच प्रकारांत खेळला जातो. १ सप्टेंबर २०२० ला या खेळाचा समावेश भारतीय क्रीडा मंत्रालय, भारत सरकार यांनी आपल्या ५% राखीव नोकर भरतीमध्ये समावेश  केला आहे. या खेळाला 'युवक कल्याण आणि क्रीडा मंत्रालय भारत सरकार', 'भारतीय विश्वविद्यालय संघ, अखिल भारतीय पोलिस खेळ नियंत्रण बोर्ड ऑफ ऑलिम्पिक  काउंसिल ऑफ एशियाची मान्यता आहे. हा खेळ एशियन गेम, एशियन मार्शल आर्ट गेम, युथ गेम व ऐशियन बीच गेम, भारतीय  विश्वविद्यालय खेळ अशा ऑफिशियल राष्ट्रीय, आंतरराष्ट्रीय स्पर्धांमध्ये खेळला जातो. 

या खेळाचा समावेश गोव्यामध्ये होणाऱ्या ३७ व्या नॅशनल गेम्समध्ये १४ मे २०२३ रोजी भारतीय ऑलिम्पिक असोसिएशनने केला आहे. या खेळामध्ये मागील ११ वर्षे महाराष्ट्र संघ अव्वल स्थानी आहे.

 मराठी राजभाषा दिनानिमित्त निबंध व वक्तृत्व स्पर्धेचे आयोजन

नाशिक:- जीवन केशरी मराठी युट्यूब चॅनेलचे १३,००० पेक्षा अधिक सदस्यांची पुर्ती झाली आहे. ह्या निमित्ताने व त्याल्या दुग्धशर्करा योगाची साथ मिळाली आहे अर्थातच मराठी राजभाषा दिनाचे औचित्य साधून जीवन केशरी मराठी युट्यूब चॅनेल तर्फे नाशिक शहरातील इ. ५ वी ते १० वीच्या शालेय विद्यार्थ्यांसाठी निबंध व वक्तृत्व स्पर्धेचे आयोजन करण्यात आले आहे. स्पर्धा ही ऑनलाईन पद्धतीने होणार आहे. निबंधाचे फोटो व वक्तृत्वाचे व्हिडिओ हे व्हाटस्अपद्वारे आयोजकांकडे पाठवायचे आहेत. स्पर्धेची अंतिम मुदत 20 फेब्रुवारी 2024 असणार आहे. मुलांच्या कलागुणांना वाव मिळावा व त्यांच्या विचारांना योग्य व्यासपीठ मिळावे म्हणून ह्या स्पर्धेचे आयोजन केले आहे. स्पर्धा संपूर्णतः मोफत असणार आहे. वक्तृत्वाचे व्हिडिओ हे जीवन केशरी मराठी युट्यूब चॅनेलवर प्रसारीत करण्यात येणार आहे. ह्या स्पर्धेत जास्तीत जास्त विद्यार्थ्यांनी सहभाग घ्यावा असे आवाहन जीवन केशरी मराठी युट्यूब चॅनेलचे संचालक प्रसाद भालेकर यांनी केले आहे. अधिक माहितीसाठी संपर्क मो. ९५२९१९५६८८ . 

निबंध स्पर्धेचे विषय:-

१) मी मुख्यमंत्री झाले / झालो तर.. 

२) मी महाराष्ट्राची लोकशाही बोलतेय..

३) मोबाईल एक व्यसन...! 

४) शिवरायांचे आदर्शवादी विचार

५) स्वातंत्र्यवीर सावरकरांचे भारतासाठीचे योगदान

वक्तृत्व स्पर्धेचे विषय :-

१) शेतकऱ्याने शेती करणे थांबवले तर...

२) ...हा आहे आमचा खरा मराठी युवक

३) शिक्षणाचा व्यापार करू नका साहेब...

४) अयोध्येत श्रीराम मंदिर झाले पण मग महाराष्ट्रातले किल्ले कधी घडविणार ? 

निबंध हा कमीतकमी ५०० शब्दांचा असावा. निबंध हा आपल्या हस्ताक्षरात लिहिलेला असावा.

वक्तृत्व स्पर्धेचा व्हिडिओ तयार करावा. व्हिडिओचा कालावधी हा ५ ते ७ मिनिटांचा असावा. विद्यार्थ्यांने व्हिडिओ हा शालेय गणवेशात करावा

आपला निबंधाचा फोटो किंवा‌ वकृत्वाचा व्हिडिओ पाठवतांना त्यासोबत आपली सर्व माहिती सुध्दा देणे अपेक्षित आहे. वकृत्वाचा व्हिडिओमध्ये आपली स्वतःची ओळख देणे.

 मौजे सुकेणे विद्यालयात परीक्षा पे चर्चा कार्यक्रमाचे आयोजन

कसबे सुकेणे ता १ : प्रधानमंत्री नरेंद्र मोदी यांच्या परीक्षेसाठी विद्यार्थ्यांना मार्गदर्शन करणारा 'परीक्षा पे चर्चा' या कार्यक्रमाचे आयोजन मविप्र संचलित कर्मवीर रावसाहेब थोरात माध्यमिक व उच्च माध्यमिक विद्यालय मौजे सुकेणे ता निफाड येथे थेट प्रक्षेपण करण्यात आले इयत्ता दहावीच्या विद्यार्थ्यांना हा कार्यक्रम दाखविण्यात आला.या कार्यक्रमात मोदींनी विद्यार्थ्यांना तणावमुक्त वातावरणात अभ्यास कसा करावा, याविषयी मार्गदर्शन केले. जीवनात स्पर्धा नसतील, तर जीवन प्रेरणाहीन होईल, परंतु स्पर्धा निकोप असावी, असे त्यांनी सांगितले. सुरुवातीला प्राचार्य रायभान दवंगे यांनी पंतप्रधान मोदींचा हा कार्यक्रम दाखवण्यामागचा हेतू विशद करत या कार्यक्रमापासून विद्यार्थ्यांनी प्रेरणा घेण्याचे आवाहन केले याप्रसंगी उपमुख्याध्यापक आणि परदेशी पर्यवेक्षक नितीन भामरे यांच्यासह सर्व शिक्षक शिक्षकेतर कर्मचारी व विद्यार्थी उपस्थित होते या कार्यक्रमाच्या यशस्वितेसाठी विज्ञान शिक्षक निलेश ठाकरे यांच्यासह सर्व शिक्षक आणि शिक्षकेतर कर्मचाऱ्यांनी विशेष परिश्रम घेतले.

 

 मौजे सुकेणे महाविद्यालयात डेज उत्साहात साजरे

मौजे सुकेणे ता निफाड कनिष्ठ महाविद्यालयात साडी व टाय डेज प्रसंगी उपस्थित विद्यार्थिनी व शिक्षक वृंद

कसबे सुकेणे प्रतिनिधी ता २- मौजे सुकेणे ता निफाड येथील मविप्र संचलित कर्मवीर रावसाहेब थोरात कनिष्ठ महाविद्यालयात विविध डेज मोठ्या उत्साहात साजरे करण्यात आले प्राचार्य रायभान दवंगे यांच्या मार्गदर्शनाखाली साडी डे, टाय डे, ट्रॅडिशनल डे, फिश पोंड, स्पोर्ट डे त्यात स्लो सायकल, चमचा लिंबू, रनिंग, संगीत खुर्ची, काव्यवाचन, नृत्य, एकांकिका, एकपात्री प्रयोग असे सांस्कृतिक कार्यक्रम व क्रीडा स्पर्धा यांचे आयोजन करण्यात आले यावेळी कनिष्ठ महाविद्यालयीन विद्यार्थ्यांनी उस्फूर्तपणे या डेज मध्ये सहभाग घेऊन आनंद साजरा केला या डेज मध्ये विविध स्पर्धा घेण्यात येऊन या स्पर्धेतील प्रथम व द्वितीय क्रमांकांना पारितोषिके देऊन गौरविण्यात आले याप्रसंगी प्राचार्य रायभान दवंगे,उपप्राचार्य अनिल परदेशी, ज्यु कॉलेज विभाग प्रमुख प्रा राजेंद्र धनवटे,विज्ञान प्रमुख प्रा शुभांगी गांगुर्डे,सचिन भंडारे, दिनकर रसाळ,ज्ञानेश्वर वाघ, सुनील आहेर,विजय मोगल, महेश निकम,माहेश्वरी मत्सागर, पूजा बोराडे,कल्पना गीते,श्रीम कदम,चिंधू गांगुर्डे आदीसह सर्व सेवक व विद्यार्थी उपस्थित होते.

  

 जनता विद्यालयाचा शासकीय रेखाकला इंटरमिजेट ग्रेड परीक्षेचा निकाल १००%

नाशिक:- मराठा विद्या प्रसारक समाज संस्थेच्या जनता विद्यालय गोरेराम लेन नाशिक येथील विद्यार्थ्यांचे शासकीय रेखाकला इंटरमिजेट ग्रेड परीक्षेमध्ये घवघवीत यश संपादन केले आहे. महाराष्ट्र शासन संचलित कलासंचलनालय, मुंबई यांच्या तर्फे घेण्यात आलेल्या शासकीय रेखाकला इंटरमिजेट स्पर्धेचा निकाल हा १००% लागला आहे. स्पर्धेत सहभागी व सर्वोत्कृष्ट कामगिरी बजावणाऱ्या विद्यार्थ्यांना शाळेच्या मुख्याध्यापिका एम. एस . डोखळे, जेष्ठ शिक्षिका के.एस.आगळे , एम.एस. पिंगळे व कलाशिक्षक गायखे एस.एम ह्यांचे मार्गदर्शन लाभले व सर्व यशस्वी विद्यार्थ्यांना शालेय परिवारातर्फे अभिनंदन करण्यात आले.

 मार्क्सवादी लेनिनवादी पक्षातर्फे निवडणूक मतपत्रिकेद्वारे घेण्यासाठी आयोगाकडे साकडे !

नाशिक:- सन २०२४ च्या सार्वत्रिक लोकसभेच्या निवडणुका ह्या EVM मशिन चा वापर न करता मतपत्रिकेचा वापर करावा या बाबत आज राष्ट्रीय मतदार दिना निमित्ताने भारताचा मार्क्सवादी लेनिनवादी पक्ष लालबावटा च्या वतीने भारतीय निवडणुक आयोग नवी दिल्ली याना नाशिक जिल्हाधिकारी यांचे मार्फत निवेदन सादर करण्यात आले.

सदर निवेदनात ईव्हीएम मशीन चा वापर बंद करण्यात येऊन मतपत्रिकेचा वापर करण्यात यावा.

लोकशाही टिकविण्यासाठी,पारदर्शक मतदान करण्यासाठी VVPAT च्या सर्व पावत्यांचा हिशेब मेळ बसत नाही.अश्या अनेक प्रश्नांची उकल होत नाही.

अश्या अनेक ईव्हीएम बाबत प्रश्न असल्यामुळे मतपत्रिकेचा वापर करण्याची मागणी यावेळी करण्यात आली.

सदर निवेदन मा. निवासी जिल्हाधिकारी वाघ याना देण्यात आले.या वेळी डॉक्टर भरत कारिया,अरविंद चव्हाण,किरण नितनावरे, ॲड. नीलकमल सोनवणे , ॲड. बी टी देवरे उपस्थित होते