मार्क्सवादी लेनिनवादी पक्षातर्फे निवडणूक मतपत्रिकेद्वारे घेण्यासाठी आयोगाकडे साकडे !

नाशिक:- सन २०२४ च्या सार्वत्रिक लोकसभेच्या निवडणुका ह्या EVM मशिन चा वापर न करता मतपत्रिकेचा वापर करावा या बाबत आज राष्ट्रीय मतदार दिना निमित्ताने भारताचा मार्क्सवादी लेनिनवादी पक्ष लालबावटा च्या वतीने भारतीय निवडणुक आयोग नवी दिल्ली याना नाशिक जिल्हाधिकारी यांचे मार्फत निवेदन सादर करण्यात आले.

सदर निवेदनात ईव्हीएम मशीन चा वापर बंद करण्यात येऊन मतपत्रिकेचा वापर करण्यात यावा.

लोकशाही टिकविण्यासाठी,पारदर्शक मतदान करण्यासाठी VVPAT च्या सर्व पावत्यांचा हिशेब मेळ बसत नाही.अश्या अनेक प्रश्नांची उकल होत नाही.

अश्या अनेक ईव्हीएम बाबत प्रश्न असल्यामुळे मतपत्रिकेचा वापर करण्याची मागणी यावेळी करण्यात आली.

सदर निवेदन मा. निवासी जिल्हाधिकारी वाघ याना देण्यात आले.या वेळी डॉक्टर भरत कारिया,अरविंद चव्हाण,किरण नितनावरे, ॲड. नीलकमल सोनवणे , ॲड. बी टी देवरे उपस्थित होते

 मविप्र मॅरेथॉन २०२४ चा विजेता ठरला उत्तरप्रदेश अक्षय कुमार ! 

नाशिक:- मराठा विद्या प्रसारक समाज संस्थेतर्फे रविवारी दि.२८ जानेवारी रोजी आयोजित केलेल्या ८ व्या राष्ट्रीय व १३ व्या राज्यस्तरीय नाशिक मविप्र मॅरेथॉन २०२४ स्पर्धेचे विजेतेपद उत्तर प्रदेशच्या अक्षय कुमार याने पटकावले. अक्षय ने २ तास २६ मिनिटे १ सेकंद वेळेत स्पर्धा पूर्ण केली. कडाक्‍याच्या थंडीत पहाटे पावणे सहापासून स्पर्धेला सुरवात झाली. कडाक्‍याच्या थंडीतही धावपटूंचा उत्साह कायम होता.१४ गटात झालेल्या या स्पर्धेत चिमुकल्यांपासून ज्येष्ठ धावपटूंनी सहभाग नोंदविला.४२ किलोमीटर पूर्ण मॅरेथॉनने स्पर्धेची सुरवात झाली. भारतीय हॉकी संघाचे नेतृत्व केलेले आंतरराष्ट्रीय हॉकी खेळाडू मीर रंजन नेगी, मॅरेथॉन स्पर्धेच्या संयोजन समितीचे अध्यक्ष व मविप्र संस्थेचे सरचिटणीस ॲड.नितीन ठाकरे,केंद्रीय आरोग्यमंत्री खा.भारती पवार, संस्थेचे अध्यक्ष डॉ सुनील ढिकले,सभापती बाळासाहेब क्षीरसागर,उपाध्यक्ष विश्वास मोरे,चिटणीस दिलीप दळवी,उपसभापती देवराम मोगल,संचालक डॉ सयाजीराव गायकवाड,ॲड.लक्ष्मण लांडगे,रमेश पिंगळे,ॲड.आर के बच्छाव,ॲड.संदीप गुळवे,शिवाजी गडाख,प्रविण जाधव,विजेंद्रसिंग, सेवक संचालक डॉ एस के शिंदे,जगन्नाथ निंबाळकर यांच्या उपस्थितीत हिरवा झेंडा दाखवत स्पर्धेला सुरवात करण्यात आली. 

पूर्ण मॅरेथॉनमध्ये धावतांना अक्षय कुमार याने २ तास २६ मिनिटे १ सेकंद अशी वेळ नोंदवत अव्वल क्रमांकासह मॅरेथॉनचे एक लाख रूपयांचे पारितोषिक पटकावले. स्पर्धेसाठी भारतातून उत्तर प्रदेश,पंजाब,हरियाणा,मेघालय तसेच महाराष्ट्रातील विविध जिल्ह्यातील धावपटू असे एकूण ३००० च्या वर स्पर्धक सहभागी झाले होते.

     बक्षिस वितरण समारंभ रावसाहेब थोरात सभागृहात संपन्न झाला, यावेळी सभापती बाळासाहेब क्षीरसागर यांनी प्रास्ताविकात मविप्र मॅरेथॉन ही सर्वांच्या समन्वयाने निर्विघ्न पार पडली मॅरेथॉन मुळे नाशिक मध्ये एक चांगले वातावरण तयार झाले यामुळे भविष्यात चांगले खेळाडू तयार होतील असा विश्वास व्यक्त केला.

मॅरेथॉन संयोजन समिती अध्यक्ष व मविप्र सरचिटणीस ॲड.नितीन ठाकरे यांनी यावेळी बोलतांना ' मविप्र मॅरेथॉन स्स्स्पर्धेच्या यशस्वितेसाठी अत्यंत सुक्ष्म व काटेकोर नियोजन केलेले होते. धावनंमार्ग मापनापासून ते स्पर्धा पूर्ण होईपर्यंत प्रत्येकाने आपली जबाबदारी सक्षमपणे पूर्ण केल्याचे त्यांनी सांगितले. स्पर्धा येणाऱ्या काळात आंतरराष्ट्रीय स्तरावर नेण्याकरीता प्रयत्न करू. संस्थेच्या माध्यमातून स्पोर्ट्स अकॅडमी उभारण्याचा देखील प्रयत्न असून त्यासाठी मीर रंजन नेगी यांचे सहकार्य व मार्गदर्शन घेऊ असे सांगून संस्थेच्या माध्यमातून ७५ हजार पुस्तकांच्या सहाय्याने विश्वविक्रमी शिवप्रतिमा ,सांस्कृतिक महोत्सव,मविप्र पत्रिका असे अनेक दर्जेदार उपक्रम राबविल्याचे त्यांनी सांगितले. यावेळी मीर रंजन नेगी यांनी भेट दिलेली त्यांची स्वाक्षरी असलेली हॉकी अमुल्य भेट असल्याचे त्यांनी नमूद केले. 

      ऑलिम्पिक खेळाडू मीर रंजन नेगी यांनी यावेळी मार्गदर्शन करतांना ' खेळ आपल्याला जीवनात कसे मार्गक्रमण करावे हे शिकवितो. खेळाप्रमाणे जीवनात चढउतार येतात, परंतु प्रत्येकाने न डगमगता अंतिम धेय्य गाठावे असे प्रतिपादन केले. मविप्र संस्थेने अतिशय शिस्तबद्धपणे मॅरेथॉन स्पर्धेचे नियोजन केले असून मविप्र मॅरेथॉन येणाऱ्या काळात नाशिक व जगाची ओळख व्हावी अशी अपेक्षा व्यक्त केली. तसेच मविप्र स्पोर्ट्स अकॅडमी साठी आपण विनामोबदला सर्वतोपरी सहकार्य करू असे आश्वासन दिले. यावेळी त्यांनी आपल्या खेळ जीवनातील अनेक प्रसंगांना उजाळा देत आठवणी जागविल्या.  

     अध्यक्षीय मनोगतात संस्थेचे अध्यक्ष डॉ सुनील ढिकले यांनी ' खेळ व आरोग्याच्या दृष्टीने मविप्र मॅरेथॉन स्पर्धा महत्वाची भूमिका बजावत असून निवास,भोजन व सर्व आरोग्य सुविधा पुरविणारी व खेळाडूंचा मोठा सहभाग असणारी महाराष्ट्रातील एकमेव स्पर्धा आहे. मेजर ध्यानचंद यांनी हॉकी खेळ परदेशात लोकप्रिय केला तर नेगी यांच्यावर चित्रित चक दे इंडिया सिनेमामुळे हॉकी सर्वांना माहित झाला असे सांगून हॉकी क्रिकेट च्या बरोबरीने लोकप्रिय होण्यात नेगी यांचे मोठे योगदान असल्याचे डॉ ढिकले यांनी सांगितले.  

   यावेळी विविध १४ गटातील विजेत्यांसह सहभागी धावपटूंना स्पर्धा पूर्ण केल्यानंतर पदक देऊन सन्मानित करण्यात आले. यावेळी एकूण ७,१६,००० रुपये रकमेची बक्षिसे देण्यात आली. राष्ट्रीय क्रीडा दिनानिमित्त झालेल्या रक्तदान शिबिरात सर्वोच्च सहभागाबद्दलचे प्रथम पारितोषिक कर्मवीर ॲड.बाबुराव गणपतराव ठाकरे अभियांत्रिकी महाविद्यालय यांना तर द्वितीय पारितोषिक के टी एच एम महाविद्यालयास व तृतीय पारितोषिक कर्मवीर गणपतदादा मोरे निफाड महाविद्यालयास देण्यात आले.प्रमुख पाहुण्यांचा परिचय डॉ.आर डी दरेकर यांनी करून दिला. स्पर्धा निरीक्षक म्हणून वैजनाथ काळे व संदीप फुगट यांनी काम पहिले. प्राचार्य डॉ आर डी दरेकर यांनी मीर रंजन नेगी यांचा व स्पर्धा संयोजक प्रा.हेमंत पाटील यांनी स्पर्धा निरीक्षक यांचा परिचय करून दिला. या वर्षीचा क्रीडा पत्रकार पुरस्कार मुंबई येथील क्रीडा पत्रकार प्रशांत केणी यांना प्रदान करण्यात आला. सूत्रसंचलन डॉ तुषार पाटील यांनी केले. आभार संस्थेचे उपाध्यक्ष विश्वासराव मोरे यांनी मानले.

खेळाडूंना प्रोत्साहन देण्यासाठी संस्थेच्या शाळांतील विद्यार्थ्यांनी नृत्य सादरीकरण केले. तर रावसाहेब थोरात सभागृह परीसरात सांस्कृतिक कार्यक्रमाच्या आयोजनाने रंगत वाढवली होती. स्पर्धा यशस्वितेसाठी शिक्षणाधिकारी डॉ नितीन जाधव,डॉ भास्कर ढोके,डॉ विलास देशमुख, डॉ डी डी लोखंडे,डॉ अजित मोरे,प्रा दौलत जाधव,प्रा बी डी पाटील, सोपान जाधव,डॉ.मीनाक्षी गवळी,लहानू कांदळकर,सुनील आहेर, बाळासाहेब शिंदे, के.पी.लवांड, डॉ.ज्ञानेश्वर गडाख, विक्रांत राजोळे,नामदेव काकड, राजेंद्र पोटे,मंगला शिंदे,निर्मला चौधरी,सुहास खर्डे यांनी प्रयत्न केले.

 

गटनिहाय प्रथम क्रमांकाचे विजेते - 

४१ किमी - अक्षय कुमार - उत्तर प्रदेश

२१ किमी - रिंकू सिंग - उत्तर प्रदेश

१० किमी महिला खुला वर्ग - बसंती हेमब्रोम - नाशिक

१० किमी पुरुष खुला गट - दयानंद चौधरी - हर्सूल- नाशिक १२ किमी - २५ वर्षाआतील मुले - अतुल बर्डे - देवळाली कॅम्प

१० किमी - १९ वर्षाआतील मुले - देविदास गायकवाड - दिंडोरी

५ किमी - १७ वर्षाआतील मुले - प्रविण चौधरी - नाशिक

५ किमी - १९ वर्षाआतील मुली - रिंकू चौधरी - नाशिक

४ किमी - १४ वर्षाआतील मुले - चैतन्य श्रीखंडे - झेडपी स्कूल,मोहरा

४ किमी - १७ वर्षाआतील मुली - वंदना तुंबडे - नाशिक

३ किमी - १४ वर्षाआतील मुली - रुपाली सोनवणे - येवला

६ किमी - २५ वर्षाआतील मुली - आरती पावरा - धुळे

४ किमी - ६० वर्षावरील पुरुष - केशव मोटे

५ किमी - ३५ वर्षावरील महिला - अश्विनी देवरे - नाशिक

 मौजे सुकेणे विद्यालयात अमृतमहोत्सवी प्रजासत्ताक दिन साजरा 

कसबे सुकेणे प्रतिनिधी ता २७ मविप्र संचलित कर्मवीर रावसाहेब थोरात माध्यमिक व उच्च माध्यमिक विद्यालय मौजे सुकेणे ता निफाड येथे ७५ वा प्रजासत्ताक दिन मोठ्या उत्साहात साजरा करण्यात आला अध्यक्षस्थानी अभिनव कमिटीचे अध्यक्ष मोतीराम जाधव होते सुरुवातीला राष्ट्रीय ध्वजाचे पूजन व ध्वजारोहण मविप्र संस्थेचे उपसभापती मा श्री डी बी अण्णा मोगल यांच्या शुभहस्ते तर स्काऊट गाईड ध्वजाचे पूजन व ध्वजारोहण उच्च माध्यमिक स्कूल कमिटीचे अध्यक्ष मा श्री अतुल भंडारे यांच्या हस्ते करण्यात आले यावेळी स्काऊट गाईड पथकाने संचलन करत राष्ट्रीय ध्वजाला मानवंदना दिली प्रजासत्ताक दिनाचे औचित्य साधून विशेष कामगिरी करणारे ग्रामस्थ व विद्यार्थ्यांचा सत्कार करण्यात आला यावेळी लेझीम पथक प्रात्यक्षिक ,तिरंगा कवायत व सांस्कृतिक कार्यक्रमांचे आयोजन करण्यात आले प्रास्ताविकातून प्राचार्य रायभान दवंगे यांनी प्रजासत्ताक दिन साजरा करण्यामागचा हेतू विशद करत अतिथींचे स्वागत केले यावेळी प्रशांत रावसाहेब मोगल यांनी शाळेला ११०००/- रुपये भेट तर संग्राम मोगल यांनी ५०००/-रुपये तर बाळासाहेब काळे यांनी ३०००/- रुपये भेट दिली कार्यक्रमासाठी सरपंच सुरेखा चव्हाण,उपसरपंच सचिन मोगल, रामराव मोगल, विश्वनाथ मोगल, सुभाष हळदे,विष्णू उगले, मुरलीधर मोगल, लालचंद सोनवणे, दिलीप मोगल, डॉ रवींद्र जाधव,बबन वडघुले, राजाराम भंडारे,भाऊसाहेब भंडारे बाळासाहेब काळे, रामकृष्ण बोंबले, अरुण मोगल,सोसायटी चेअरमन प्रकाश मोगल, सतीश मोगल,रावसाहेब मोगल, संग्राम मोगल, रामेश्वर काठे, दिनकर मोगल,अशोक भंडारे,श्याम मोगल,प्रकाश धुळे, चंद्रशेखर नळे आदी सह सर्व स्कूल कमिटी सदस्य,शिक्षक पालक संघ ,माता पालक संघ, विशाखा समिती, शालेय व्यवस्थापन समिती, सरपंच, उपसरपंच, ग्रामपंचायत सदस्य व ग्रामस्थ यांच्यासह उपमुख्याध्यापक अनिल परदेशी, पर्यवेक्षक नितीन भामरे,अभिनव मुख्याध्यापिका सुवर्णा ठाकरे, सर्व सेवक व विद्यार्थी उपस्थित होते सूत्रसंचालन भारत मोगल यांनी तर आभार ज्यु कॉलेज विभाग प्रमुख प्रा राजेंद्र धनवटे यांनी मानले

 ईव्हीएम निवडणुकीच्या विरोधात संविधान प्रेमी वकील भडकले 

संविधान प्रेमी वकील समितीच्या वतीने निदर्शने 

नाशिक :- जनतेच्या मनात ईव्हीएम बाबत संशय असुन लोकशाही टिकविण्यासाठी ईव्हीएम ऐवजी बॅलेट पेपर वर निवडणुका घेण्याची सर्व स्तरातुन मागणी होत असतांना देखील केवळ निवडणुका जिंकण्यासाठी च ईव्हीएम चा घाट घातला जात असुन त्वरित ईव्हीएम बंद करण्यात येऊन बॅलेट पेपरवर निवडणुका घेण्यात याव्यात अशी मागणी यावेळी करण्यात येऊन उपजिल्हाधीकारी श्री.वाघ यांना निवेदन देण्यात आले.

यावेळी संविधान प्रेमी वकील समितीचे सदस्य तसेच राष्ट्रवादी कॅांग्रेस पार्टी ओबीसी सेल चे जिल्हाध्यक्ष ॲड.सुरेश आव्हाड,ॲड.पागिरे, ॲड.वायचळे,ॲड.राजेंद्र नन्नावरे,ॲड.लिलाधर जाधव,ॲड. मोरे साहेब,ॲड.सुधीर जाधव,ॲड.सुभाष गिते,ॲड.संदीप दंडगव्हाण,ॲड. भालेराव,ॲड.आर.एन कांबळे , अॅड . निलेश सोनवणे, लक्ष्मण सोनवणे,भारती चित्ते आदींसह वकील बांधव मोठ्या संख्येने उपस्थित होते.

 स्वीटी जाचकला पीएचडी प्रदान

 

कसबे सुकेणे प्रतिनिधी ता २३- मौजे सुकेणे ता निफाड येथील श्रीम शोभा मनोहर मोगल ह.मु नाशिकरोड यांची कन्या श्रीम स्वीटी गोदीराम जाचक उर्फ स्वीटी गोकुळ महाजन यांनी कॉम्प्युटर सायन्समध्ये नुकतीच पीएच.डी. पदवी नाशिकच्या अग्रगण्य संदीप विद्यापीठातून प्राप्त केली. त्या सध्या गुरू गोविंदसिंग इंजिनियरिंग महाविद्यालयात सहाय्यक प्राध्यापक पदावर त्या कार्यरत आहेत. त्यांनी डीप लर्निंग या विषयावर संशोधन करून पीएच.डी. प्राप्त केली. त्यांना इलाहाबाद आयआयटीतील डॉ. सयांतन नाथ आणि संदीप विद्यापीठातील संगणक विभाग प्रमुख डॉ. पवन भालदारे यांचे मार्गदर्शन लाभले. तिच्या या यशाबद्दल तिची आई शोभा मोगल(जाचक) वडील गोटीराम जाचक यांच्यासह अँड एन जी गायकवाड, मविप्र संस्थेचे माजी उपसभापती ॲड पंडितराव पिंगळे,सचिन पिंगळे,डॉ एम एन जाचक, मविप्र संस्थेचे उपसभापती देवराम मोगल, अँड  रत्नाकर गायकवाड,,सुरज जाचक,भारत मोगल,गोकुळ महाजन आदींनी अभिनंदन करत भावी वाटचालीस शुभेच्छा दिल्या

जनता विद्यालयाला यशोन्नती ; शाळेला सुवर्ण, रौप्य , कांस्यपदकांची पर्वणी 

नाशिक:- CPS OLYMPIAD FOUNDATION तर्फे आंतरराष्ट्रीय स्तरावर बाह्यपरीक्षा आयोजित करण्यात आली होती. ह्या परीक्षेत मराठा विद्या प्रसारक समाज संस्थेच्या जनता विद्यालय गोरेराम लेन नाशिक -१ शाळेतील एकूण ५० विद्यार्थ्यांनी सहभाग नोंदविला होता त्यापैकी एकूण ३३ विद्यार्थ्यांना यशोन्नती मिळाली आहे. यामध्ये १३ विद्यार्थ्यांना सुवर्ण पदक, १० विद्यार्थ्यांना रौप्यपदक , १०विद्यार्थांनी कांस्यपदक मिळविले आहे आणि २४ विद्यार्थ्यांची दुसऱ्या राऊंड साठी निवड झाली आहे. या परीक्षेसाठी शाळेतील समन्वयक के.एम.चव्हाण व विद्यालयाच्या मुख्याध्यापिका श्रीमती. एम.एस. पिंगळे यांचे मोलाचे मार्गदर्शन मिळाले. विद्यार्थ्यांच्या यशाबद्दल विद्यालयातर्फे त्यांचे अभिनंदन करण्यात आले.

 मौजे सुकेणे येथे ३३ वर्षांनंतर भरला गुरुजनांसह दहावीचा वर्ग

 थोरात विद्यालयाच्या विद्यार्थ्यांचा मेळावा : हृदयस्पर्शी कार्यक्रमात जागवल्या आठवणी

१९९०/९१ बॅचच्या स्नेह मेळाव्याप्रसंगी उपस्थित गुरुजन व माजी विद्यार्थी

कसबे सुकेणे ता ८ - मौजे सुकेणे ता निफाड येथील मविप्र संस्थेच्या कर्मवीर रावसाहेब थोरात हायस्कूल विद्यालयातील १९९०/१९ च्या दहावीच्या बॅचच्या माजी विद्यार्थ्यांचा व गुरुजनांचा स्नेहमेळावा ३३ वर्षानंतर संपन्न झाला.यानिमित्त भेटलेल्या वर्गमित्रांनी शाळेतील आठवणी जागवित एकमेकांची आत्मियतेने विचारपूस केली. अध्यक्षस्थानी सेवानिवृत्त जेष्ठ शिक्षक प्रभाकर सूर्यवंशी होते. सरस्वतीचे पूजनाने कार्यक्रमास सुरुवात झाली. व्यासपीठावर एम पी काळे,आर जी गाडे,पी ए डोकबाणे,ए वाय तिडके,ए के तिडके,बी के जाधव डी के दरेकर, बी व्ही जाधव,बी आर आवारे, एन पी महाले, बी ई महाले,एस पी कोठुळे,के बी हाडोळे,एस टी भोज,एस डी देवरे,आर एन वाघ, बी डी मालपुरे,डी पी बोरसे, एन ए रजपूत,एम पी आहेर, उपमुख्याध्यापक अनिल परदेशी, श्रीम यु डी सोनवणे,श्रीम एस पी शिंदे, श्रीम यु बी मालपुरे,श्रीम गवळी,श्रीम साठे,श्रीम सुमन जाधव,भारत मोगल,व्ही आर डेर्ल,एस पी मुळाणे आदीं उपस्थित होते. मुला-मुलींच्या हस्ते गुरुजनांचा भेटवस्तू, पुष्पगुच्छ व शाल देऊन सत्कार करण्यात आला. विद्यार्थ्यांकडून विद्यालयाला यावेळी भरीव निधीचा धनादेश देण्यात आला माजी विद्यार्थी भाऊसाहेब लोखंडे, राजेंद्र काळे,भरत रहाणे, संतोष कुलथे,धनराज भंडारे, कल्पना भंडारे,अर्चना मोगल व दर्शना महाजन यांनी मेळाव्याची संकल्पना मांडली.या विद्यार्थ्यांनी एकत्र येत व्हाट्सअप सुपच्या माध्यमातून मेळावाविषयी मत मांडले मेळाव्यात विद्यार्थ्यांनी शालेय जीवनातील जुन्या आठवणींना उजाळा दिला उपस्थित सर्व माजी विद्यार्थी व विद्यार्थिनी यांचे विशेष सहकार्य लाभले.सर्वच माजी विद्यार्थ्यांनी परिचय करून दिला तर उपस्थित गुरुजनांनी मनोगतातून शुभेच्छा दिल्या उपस्थित माजी विद्यार्थ्यांना गुरुजनांच्या हस्ते स्नेह भेटीची आठवण राहावी यासाठी ट्रॉफी देण्यात आली सर्वांनी स्नेहभोजनाचा आस्वाद घेतला व ग्रुपच्या माध्यमातून कला, क्रीडा व सामाजिक मित्र मंडळ स्थापन करून भविष्यात गरजू विद्यार्थ्यांना मदत करणे हा संकल्प केला भाऊसाहेब लोखंडे याने प्रास्तविक केले भारत मोगल यांनी सूत्रसंचालन केले तर धनराज भंडारे यांनी आभार मानले. स्नेह मेळाव्यासाठी माजी विद्यार्थी भाऊसाहेब लोखंडे, धनराज भंडारे,कल्पना भंडारे (पवार),प्रमोद भालेराव,योगेश्वर सोनवणे,भारत केवडे,संतोष राहणे,सुनील पवार,शंकर ठाकरे, नामदेव घारे,अण्णासाहेब दयाळ, संजय काळे,सरिता गुरगुडे (माळोदे),प्रकाश दयाळ,वैशाली दरेकर,कमल भोई,कविता गडाख,अर्चना मोगल,राजेंद्र काळे,भाऊसाहेब भंडारे,राजेंद्र मोगल,शैलेश मोगल,भरत राहणे, महेश गांधी,दिपक देशमुख,संजय गांधी,उत्तम विधाते,योगिता भालेराव,सविता मोरे,ज्ञानेश्वर चौधरी,भाऊसाहेब कातकाडे,, रविंद्र कातकाडे,वैशाली गांधी, मोनिका गांधी,मनिषा भोज, अनिल शेवकर,विलास सानप, संगीता नळे,विश्वनाथ वसईकर, रविंद्र आळंदे,उज्वला राहणे, सोमनाथ भागवत,दिपक कुमावत,अशोक बागले,दर्शना महाजन,निवृत्ती राहणे,गोरख गुरगुडे,संगीता भंडारे,सुलक्षणा जाधव,रतन शेवकर,ज्योती आव्हाड,शिवाजी शेवकर,संजय रईसवाल,श्याम भंडारे,सोमनाथ खापरे,शरद तिडके,निवृत्ती बोडके,दिपक कडाळे,दिलीप धुमाळ,राजीव गुंजाळ,राजू पिंजारी आदी उपस्थित होते कार्यक्रमाच्या यशस्वीतेसाठी १९९०/९१ बॅचच्या सर्वच विद्यार्थ्यांनी विशेष परीश्रम घेतले.