जनता विद्यालयात सावित्रीबाई फुलेंना मानवंदना व विज्ञान प्रदर्शन

नाशिक:- मराठा विद्या प्रसारक समाज संस्थेच्या जनता विद्यालय गोरेराम लेन नाशिक येथे दि. ३ जानेवारी २०२४ रोजी क्रांतीज्योती सावित्रीबाई फुले यांची जयंती साजरी करण्यात आली. कार्यक्रमाच्या अध्यक्षस्थानी शाळेच्या मुख्याध्यापिका श्रीमती. एस.डी. शिंदे होत्या. कार्यक्रमाच्या सुरुवातीस विद्येची देवता सरस्वती व क्रांतीज्योती सावित्रीबाई फुले यांच्या प्रतिमेचे पूजन करण्यात आले. यानंतर सावित्रीबाई यांच्याबद्दल अनुष्का बघडावे हिने माहिती दिली व साक्षी आव्हाड हिने कविता सादर केली. कार्यक्रमाचे सूत्रसंचालन दिपिका लहामगे व आभार प्रदर्शन प्रिती देशमुख हिने केले यानंतर विद्यालयात शालेय स्तरावर विज्ञान प्रदर्शन आयोजित करण्यात आले होते ह्यामध्ये विविध प्रयोगाची विद्यार्थ्यांनी सुसंगतरीत्या मांडणी व त्या प्रयोगामधून मानवी जीवनासाठी कशापद्धतीने सहकार्यक आहे ते मांडले. याप्रसंगी शाळेच्या मुख्याध्यापिका श्रीमती एस.डी.शिंदे व आदी शिक्षक वृंद व विद्यार्थी वर्ग उपस्थित होता.

 शिक्षकांनी वसा व वारसा घेऊन भविष्यात काम करणे काळाची गरज

 मविप्र सरचिटणीस अँड नितीन ठाकरे सायखेडा येथे सेवापुर्तीत प्रतिपादन

 अँड नितीन ठाकरे, बाळासाहेब क्षिरसागर, डी बी मोगल, विश्वासराव मोरे व आदी

 कसबे सुकेणे प्रतिनिधी ता २३ ज्ञानदानाचे काम करणाऱ्या शिक्षकांनी निवृत्तीनंतर दिलेला वसा व वारसा घेऊन जे काम त्यांनी केले ते आपण सर्वांनी भविष्यात करावे त्या ज्ञानाचा उपयोग ग्रामीण भागातील विद्यार्थ्यांना सक्षम बनवण्यासाठी होणे ही काळाची गरज आहे, असे प्रतिपादन मविप्रचे सरचिटणीस अँड.नितीन ठाकरे यांनी केले ते सायखेडा येथील जनता इंग्लिश स्कूल व कनिष्ठ महाविद्यालयात पर्यवेक्षक म्हणून श्री दौलत शिंदे व उपशिक्षिका श्रीम मंदा झांबरे यांच्या सेवापूर्ती कार्यक्रमात प्रमुख पाहुणे म्हणून बोलत होते. अध्यक्षस्थानी मविप्रचे सभापती श्री बाळासाहेब क्षीरसागर होते अध्यक्षीय मनोगतात ते म्हणाले की शिक्षकांनी विद्यार्थ्यांच्या विकासाच्या दृष्टीने काम करून पालकांनी पाल्यास शाळेत ज्या विश्वासाने पाठवले असते त्या विश्वासास पात्र झाले पाहिजे असे ते म्हणाल प्रास्ताविक प्राचार्य श्री नवनाथ निकम यांनी केले .या कार्यक्रमास मविप्रचे उपाध्यक्ष श्री विश्वास मोरे ,उपसभापती श्री डी.बी. मोगल ,निफाड तालुका संचालक शिवाजीराव गडाख ,इगतपुरी तालुका संचालक श्री संदीप गुळवे ,अँड

.जी एन शिंदे ,चार्टर्ड अकाउंटंट श्री आर आर बस्ते, प्रतापराव मोगल, सेवक संचालक जगन्नाथ निंबाळकर, अँड उत्तमराव मोगल, शिक्षणाधिकारी डॉ अशोकराव पिंगळे,शालेय समितीचे अध्यक्ष श्री विजय कारे, उच्च माध्यमिक शालेय समितीचे अध्यक्ष स्वामी कमलाकांतचार्य महाराज, शालेय समिती सदस्य संजय कांडेकर, पिंपळगाव कृषी उत्पन्न बाजार समिती उपसभापती जगन कुटे ,ऋषिकेश गणोरे, अविनाश सुकेनकर,पोपट गोराडे, हरिभाऊ खालकर, भाऊलाल कुटे,भास्कर गायखे, मधुकर भोर, बाबाजी गायखे, अँड प्रशांत पाटील,अरुण पाटील, उमेश डुंबरे ,वनसगावचे सरपंच एकनाथ शिंदे ,एकनाथ उशीर ,उपप्राचार्य श्री शरद शेळके उपस्थित होते शालेय गीतमंचने ईशस्तवन व स्वागत गीत सादर केले .मान्यवरांच्या हस्ते सरस्वती पूजन करण्यात आले.त्यानंतर मान्यवरांचा पुष्पगुच्छ व शाल देऊन सत्कार करण्यात आला .यावेळी सत्कारमूर्ती पर्यवेक्षक श्री दौलत शिंदे यांचा सहपत्नीक व उपशिक्षिका श्रीम मंदा झांबरे यांचा सहपतिक मान्यवरांच्या हस्ते सन्मान करण्यात आला.यावेळी सत्कारमूर्ती पर्यवेक्षक श्री दौलत शिंदे व उपशिक्षिका श्रीमती मंदा झांबरे यांच्याकडून संस्थेसाठी मदत म्हणून प्रत्येकी २१ हजाराचा चेक सरचिटणीस अँड.नितीन ठाकरे यांच्याकडे सुपूर्त करण्यात आला .यावेळी सत्कारमूर्ती पर्यवेक्षक श्री दौलत शिंदे व उपशिक्षिका श्रीमती मंदा झांबरे यांनी विविध आठवणींना उजाळा देत आठवणी जिवंत केल्या सूत्रसंचालन श्रीम प्रतीक्षा शिंदे व अवधूत आवारे यांनी केले .कार्यक्रमास विद्यालयातील सर्व शिक्षक व शिक्षकेतर कर्मचारी विद्यार्थी मोठ्या संख्येने उपस्थित होते.

 

जनता विद्यालयात गणित दिन साजरा

मुलांना आयुष्याचे गणित समजणे महत्वाचे 

 नाशिक:- मराठा विद्या प्रसारक समाज संस्थेच्या जनता विद्यालय गोरेराम लेन नाशिक येथे दि. २३ रोजी श्रीनिवास रामानुजन यांच्या जयंतीनिमित्त विद्यालयात गणित दिनाचे आयोजन करण्यात आले होते.  कार्यक्रमाची सुरुवात बुध्दीचा व कलेचा अधिपती श्रीगणेशाच्या मंत्र गायनाने झाली. शाळेच्या गीतमंचाने गायन केले. कार्यक्रमाच्या अध्यक्षस्थानी शाळेच्या मुख्याध्यापिका एस.डी. शिंदे होत्या. श्रीनिवास रामानुजन ह्यांच्या प्रतिमेचे पूजन करण्यात आले. यानंतर गणित विषयाबद्दल प्राची बादशे , इश्वरी शहाणे, निवेदिता धुमाळ, तन्मयी आवारे ह्या विद्यार्थ्यांनीनी माहिती दिली व विद्यालयमध्ये गणित विषयाबाबतची जागृता निर्माण केली. विद्यालयात रांगोळी व गणिताचे चार्ट इ. ह्यांचे विद्यार्थ्यांसाठी प्रदर्शन सुध्दा आयोजित करण्यात आले होते.कार्यक्रमाचे सूत्रसंचालन श्रद्धा पगारे हिने केले. याप्रसंगी शाळेच्या मुख्याध्यापिका एस.डी.शिंदे , एम.एस.पिंगळे व आदी शिक्षक व विद्यार्थी वर्ग उपस्थित होता.

 स्काऊट गाईडच्या माध्यमातून विद्यार्थ्यांना खऱ्या कमाईचे महत्व

 उपसभापती डी बी मोगल यांचे मौजे सुकेणे विद्यालयात प्रतिपादन

मौजे सुकेणे ता निफाड विद्यालयात स्काऊट गाईड आनंद मेळाव्यात आनंद घेताना विद्यार्थी

कसबे सुकेणे प्रतिनिधी ता २०- स्काऊट गाईड युनिटच्या माध्यमातून विद्यालयांमध्ये जे आनंद मेळावा आयोजित केला जातो त्यातून विद्यार्थ्यांना खऱ्या अर्थाने खऱ्या कमाईचे महत्त्व पटून बचत व खर्चात काटकसरीचे महत्त्व लक्षात येते असे प्रतिपादन मविप्र संस्थेचे उपसभापती डीपी अण्णा मोगल यांनी केले ते मौजे सुकेने येथील कर्मवीर रावसाहेब थोरात माध्यमिक व उच्च माध्यमिक विद्यालयात आयोजित स्काऊट गाईडच्या आनंद मेळाव्यानिमित्ताने उद्घाटन प्रसंगी प्रमुख अतिथी म्हणून बोलत होते अध्यक्षस्थानी अभिनव कमिटीचे अध्यक्ष मोतीराम जाधव होते या आनंद मेळाव्याच्या माध्यमातून विद्यार्थ्यांना व्यवहारिक ज्ञानाबरोबरच कलागुणांना उत्तेजन देण्यासाठी असा उपक्रम विद्यालयात राबविण्यात आल्याचे प्राचार्य रायभान दवंगे यांनी सांगितले. ५० ते ६० विद्यार्थ्यांनी पालेभाज्या,फळभाज्या यांच्यासह विविध खाद्यपदार्थ व विक्री योग्य वस्तू आनंद मेळाव्यात विक्रीसाठी ठेवल्या होत्या. विद्यार्थ्यांनी सकाळपासून उत्स्फूर्तपणे सहभाग नोंदवला. स्काऊट प्रमुख संजय पगार यांनी विद्यार्थ्यांसाठी राबवलेल्या या स्तुत्य उपक्रमाचे कौतुक करत आनंद मेळाव्याचे आयोजन विद्यार्थ्यांच्या बौद्धिक व आर्थिक विकासासाठी गरजेचे असल्याचे प्रतिपादन केले या आनंद मेळाव्याच्या माध्यमातून विद्यार्थ्यांनी माफक दरात भाज्यांची,खाद्य वस्तू व इतर विक्री योग्य वस्तूंचे विक्री केली. विद्यार्थ्यांनी आनंद मेळाव्यातून व्यवहारिक ज्ञान, अनुभव व जीवन कौशल्य मिळविण्याचा प्रयत्न केला प्रास्ताविक उपमुख्याध्यापक अनिल परदेशी यांनी केले सूत्रसंचालन श्रीम ज्योती कुशारे यांनी तर आभार मनीषा घोटेकर यांनी मानले आनंद मेळाव्यासाठी सर्व स्काऊट गाईड शिक्षक व शिक्षिका व शिक्षकेतर कर्मचाऱ्यांनी विशेष प्रयत्न केले मेळाव्यासाठी उच्च माध्यमिक कमिटीचे अध्यक्ष अतुल भंडारे,डॉ बाळासाहेब मत्सागर,ॲड उत्तमराव मोगल, आनंदराव भंडारे,योगेश मोगल, रामराव मोगल,रामकृष्ण बोंबले, माधवराव भंडारे,दिलीप मोगल, रामेश्वर काठे,संदीप खोडे आदींसह पालक, विद्यार्थी व सर्व सेवक उपस्थित होते.

जनता विद्यालयात आनंद मेळाव्याचे आयोजन 

नाशिक:- आनंद मेळाव्याचे प्रसंगी प्रमुख पाहुणे, मुख्याध्यापिका व शिक्षकवृंद

नाशिक:- मराठा विद्या प्रसारक समाज संस्थेच्या जनता विद्यालय गोरेराम लेन नाशिक येथे दि. १९ डिसेंबर रोजी स्काऊट - गाईड अंतर्गत आनंद मेळाव्याचे भव्य आयोजन करण्यात आले होते. ह्यामध्ये इ. ८ ते १० वीच्या विद्यार्थ्यांनी सहभाग नोंदविला होता. स्पर्धेमध्ये एकूण ४० ते ४५ स्टॉल लावण्यात आले होते . यामध्ये विद्यार्थ्यांनी स्वतः मेहनत करून अनेक रूचकर विशिष्ट पदार्थ व काहींनी बुध्दीचे खेळ असे स्टॉल लावले होते. आनंद मेळाव्याचे उदिष्ट हे विद्यार्थ्यांना आपल्या व्यवसायाचे स्वरूप कळणे व त्यांची व्यवसायाबाबतची आत्तापासूनच तोंडओळख करून देणे जेणेकरून पुढे जाऊन ते यशस्वीरीत्या काहीही गोष्टी अचूकपणे साध्य करू शकतात. कार्यक्रमाचे उद्घाटनप्रसंगी शालेय समितीचे अध्यक्ष श्री. रावसाहेब मोरे व श्री. काश्मिरे व विद्यालयाच्या मुख्याध्यापिका एस.डी.शिंदे उपस्थित होत्या. प्रमुख पाहुण्यांनी विद्यार्थ्यांना प्रोत्साहित केले व स्पर्धकांचे मनोबल वाढवले. याप्रसंगी सर्व शिक्षकवृंद व विद्यार्थी वर्ग उपस्थित होते.

 होमी भाभा विज्ञान परीक्षेत जनता विद्यालयाचे यश

नाशिक:- संकेत खैरनारचा सत्कार करतांना मुख्याध्यापिका एस.डी.शिंदे व मार्गदर्शिका एस.एस.पाटील व एम.के.चव्हाण

नाशिक:- मराठा विद्या प्रसारक समाज संस्थेच्या जनता विद्यालय गोरेराम लेन नाशिक येथील इयत्ता ९ वी बचा विद्यार्थी कु. संकेत प्रमोद खैरनार डॉक्टर होमी भाभा विज्ञान परीक्षेत मेरीटमध्ये आला असून पुढील राऊंड साठी त्याची निवड झाली आहे. याबद्दल शाळेच्या मुख्याध्यापिका एस.डी. शिंदे यांनी सत्कार केला. व पुढील वाटचालीसाठी शुभेच्छा दिल्या. ह्या परीक्षेसाठी त्याला एस.एस.पाटील व एम.के. चव्हाण ह्या शिक्षकांचे विशेष मार्गदर्शन मिळाले. याप्रसंगी सर्व विद्यार्थी व शिक्षक उपस्थित होते.

 विद्यार्थ्यांनो शालेय जीवनापासूनच विज्ञानाची कास धरा

 मविप्र उपसभापती डी बी मोगल यांचे मौजे सुकेणेत प्रतिपादन

मौजे सुकेणे तालुका निफाड येथील शालेय अंतर्गत विज्ञान प्रदर्शन उद्घाटन प्रसंगी विचार व्यक्त करताना मविप्र संस्थेचे उपसभापती डी बी अण्णा मोगल,मोतीराम जाधव,अतुल भंडारे,प्राचार्य रायभान दवंगे व विज्ञान प्रदर्शन पाहताना मान्यवर आदी

कसबे सुकेणे प्रतिनिधी ता १७- शालेय जीवनातील विद्यार्थ्यांनी विद्यार्थी दशेतच विज्ञानाची कास धरावी असे प्रतिपादन मविप्र संस्थेचे उपसभापती डी बी अण्णा मोगल यांनी केले ते मविप्र संचलित कर्मवीर रावसाहेब थोरात माध्यमिक व उच्च माध्यमिक विद्यालय मौजे सुकेणे ता निफाड येथे शालेय विज्ञान प्रदर्शन उद्घाटन प्रसंगी प्रमुख अतिथी म्हणून विद्यार्थ्यांना मार्गदर्शन करत होते अध्यक्षस्थानी स्कूल कमिटीचे अध्यक्ष मोतीराम जाधव होते सुरुवातीला विज्ञानाचे जनक व मिसाईल मॅन एपीजे अब्दुल कलाम यांच्या प्रतिमेचे पूजन उपसभापती मोगल,शालेय समितीचे अध्यक्ष मोतीराम जाधव, उच्च माध्यमिक कमिटी अध्यक्ष अतुल भंडारे,प्राचार्य रायभान दवंगे व स्कूल कमिटी सदस्यांच्या हस्ते करण्यात आले यावेळी स्कूल कमिटी सदस्य डॉ बाळासाहेब मत्सागर,ॲड उत्तमराव मोगल, सरपंच आनंदराव भंडारे, योगेश मोगल, रामराव मोगल, रामकृष्ण बोंबले, माधवराव भंडारे, दिलीप मोगल, रामेश्वर काठे, संदीप खोडे,प्राचार्य दवंगे,उपमुख्याध्यापक अनिल परदेशी,अभिनव मुख्याध्यापिका सुवर्णा ठाकरे,पर्यवेक्षिका संगीता सोनवणे,कॉलेज विभाग प्रमुख प्रा राजेंद्र धनवटे आदींच्या हस्ते शालेय विज्ञान प्रदर्शन व विज्ञान रांगोळी स्पर्धेचे उद्घाटन करण्यात आले यावेळी उपसभापती मोगल यांनी शिक्षण आणि जीवन यांची सांगड विद्यार्थ्यांनी घातली पाहिजे. त्यांच्यामध्ये वैज्ञानिक दृष्टिकोन निर्माण व्हावा यासाठी विज्ञान प्रदर्शनाची गरज आहे. विज्ञान प्रदर्शनांतूनच उद्याचे शास्त्रज्ञ घडत असतात असे प्रतिपादन केले प्रास्ताविक उपमुख्याध्यापक अनिल परदेशी यांनी केले कार्यक्रमाचे अध्यक्ष मोतीराम जाधव,अतुल भंडारे, विज्ञान शिक्षक रावसाहेब शेलार व प्राचार्य रायभान दवंगे यांनी विज्ञान प्रदर्शन काळाची गरज असल्याचे प्रतिपादन केले यावेळी पाचवी ते सातवी व आठवी ते दहावी अशा गटातील एकूण ४९ उपकरणे व ४३ विद्यार्थ्यांनी रांगोळी स्पर्धेत भाग घेऊन विज्ञान रांगोळी द्वारे व उपकरणांद्वारे उपस्थितांची मने जिंकली सूत्रसंचालन श्रीम ज्योती कुशारे यांनी तर आभार श्रीम मनीषा घोटेकर यांनी मानले विज्ञान प्रदर्शनाच्या यशस्वीतेसाठी सर्व विज्ञान शिक्षकांनी विशेष प्रयत्न केले. उद्घाटन प्रसंगी सर्व स्कूल कमिटी सदस्य ग्रामस्थ सर्व सेवक व विद्यार्थी उपस्थित होते