विद्यार्थ्यांनी गणिताची भीती न बाळगता धैर्याने पुढे जा - प्रा. अविनाश दवंगे

मौजे सुकेणे ता निफाड विद्यालयात चालू चला वाचूया या उपक्रमांतर्गत विद्यार्थी व पालकांना पालक मेळाव्यात मार्गदर्शन करताना प्रा अविनाश दवंगे, व्यासपीठावर उपसभापती डी बी मोगल,प्राचार्य रायभान दवंगे व आदी 

 

कसबे सुकेणे प्रतिनिधी ता ९- विद्यार्थ्यांनी गणिताची भीती न बाळगता धैर्याने पुढे गेल्यास जीवनात यशस्वी होऊन आयुष्याचे गणित सुटण्यास मदत होते असे प्रतिपादन बालभारतीच्या पाठ्य पुस्तक निर्मितीत सहभाग असणारे समीक्षक, सूक्ष्म समीक्षक आणि गुणवत्ता प्रशिक्षक के टी एच एम कॉलेजचे प्रा अविनाश गंगाधर दवंगे यांनी केले ते मौजे सुकेणे ता निफाड येथील कर्मवीर रावसाहेब थोरात माध्यमिक व उच्च माध्यमिक विद्यालयात आयोजित चला वाचू या उपक्रमांतर्गत विद्यार्थी व पालक यांना गणिताची भीती दूर करून गणिताचा अभ्यास कसा करावा या विषयावर पालक मेळाव्यात मनोगत व्यक्त करताना प्रमुख अतिथी म्हणून बोलत होते अध्यक्षस्थानी प्राचार्य रायभान दवंगे तर प्रमुख अतिथी म्हणून मविप्र संस्थेचे उपसभापती डी बी मोगल ,शेतकरी संघटनेचे जिल्हाध्यक्ष अर्जुन बोराडे ,ओणे सरपंच संदीप कातकाडे, अभियंता दीपक भंडारे, दिनेश मोरे, रामेश्वर काठे, सौ साधना बोरा ,समाधान सुर्वे, सुनंदा टर्ले ,श्रुती देशमुख,अशोक देवकर, श्याम मोगल, संग्राम मोगल आदी उपस्थित होते प्रास्ताविक उपमुख्याध्यापक अनिल परदेशी यांनी केले यावेळी प्रमुख अतिथी प्रा दवंगे यांनी विद्यार्थ्यांनी गणित विषयाचा अभ्यास कसा करावा यासाठी सात सूत्र सांगितले तर जीवनात यशस्वी होण्यासाठी गणित विषयाचे कानमंत्र पालक व विद्यार्थ्यांना दिले यावेळी प्रा दवंगे यांची बालभारती पुणे ज्यु कॉलेज आर्ट,सायन्स व कॉमर्स शाखेच्या गणित या विषयाच्या पाठ्यपुस्तक निर्मितीत सहभाग झाल्याबद्दल त्यांचा संस्थेचे उपसभापती डी बी मोगल व प्राचार्य दवंगे यांच्या हस्ते सत्कार करण्यात आला यावेळी प्रमुख अतिथी प्रा दवंगे यांनी शाळेच्या विकास कामासाठी उपसभापती डी बी मोगल व प्राचार्य रायभान दवंगे यांच्याकडे ५०००/- रुपयाचा धनादेश सुपूर्त केला यावेळी उपसभापती डी बी मोगल शेतकरी संघटनेचे जिल्हाध्यक्ष अर्जुन बोराडे, दीपक भंडारे यांनी तर शिक्षकांच्या वतीने दत्तू पडोळ व प्राचार्य दवंगे यांनी विद्यार्थी व पालकांना संबोधित केले अतिथींचे स्वागत भारत मोगल यांनी ,सूत्रसंचालन मुकुंद ताकाटे यांनी तर आभार पर्यवेक्षिका संगीता सोनवणे यांनी मानले कार्यक्रमाच्या यशस्वीतेसाठी शिक्षक पालक संघाचे विलास डेर्ले, रामेश्वर धोंगडे यांनी विशेष प्रयत्न केले कार्यक्रमासाठी पालक, माता पालक, सर्व शिक्षक, शिक्षकेतर कर्मचारी व विद्यार्थी उपस्थित होते 

 मौजे सुकेणे विद्यालयात दिव्यांग सप्ताह 

 प्रभात फेरी,व्याख्यानासह विविध कार्यक्रमांचे आयोजन

मौजे सुकेणे ता निफाड विद्यालयात दिव्यांग सप्ताह आयोजित करण्यात आला त्याप्रसंगी प्राचार्य रायभान दवंगे, दिव्यांग सहकारी व विद्यार्थी

कसबे सुकेणे ता ७- मविप्र संचलित कर्मवीर रावसाहेब थोरात हायस्कूल माध्यमिक व उच्च माध्यमिक विद्यालय मौजे सुकेणे ता निफाड विद्यालयात ३ डिसेंबर ते ९ डिसेंबर या कालावधीत प्राचार्य रायभान दवंगे यांच्या मार्गदर्शनाखाली दिव्यांग सप्ताहाचे आयोजन करण्यात आले असून यानिमित्ताने विविध कार्यक्रमांचे आयोजन करण्यात आले आहे समाजात दिव्यांगाबद्दल जनजागृती करण्यासाठी प्रभात फेरी काढणे, व्याख्यानांचे आयोजन करणे, फलकांद्वारे जनजागृती करणे, विविध स्पर्धांचे आयोजन करणे, दिव्यांग विद्यार्थी व शिक्षकांचा सत्कार करणे आदी कार्यक्रमांचे आयोजन करण्यात आले आहे प्राचार्य दवंगे उपमुख्याध्यापक अनिल परदेशी पर्यवेक्षिका संगीता सोनवणे यांच्या हस्ते विद्यालयातील दिव्यांग शिक्षक सुभाष देशमुख कार्यालयीन कर्मचारी शरद मोरे जगदीश मोगल व सर्व दिव्यांग विद्यार्थ्यांचा सत्कार करण्यात आला यावेळी प्राचार्य दवंगे यांनी दिव्यांग सप्ताह आयोजित करण्यामागचा हेतू विशद करत सर्व दिव्यांग शिक्षक व विद्यार्थ्यांना दिव्यांग सप्ताहाच्या शुभेच्छा देत समाजाने त्यांच्याकडे आपले सहकारी बांधव या दृष्टिकोनातून बघताना यांना शक्य तेवढे सहकार्य करण्याचे आवाहन केले

  

 मौजे सुकेणे विद्यालयात महामानवाला अभिवादन

कसबे सुकेणे ता -६ मविप्र संचलित कर्मवीर रावसाहेब थोरात हायस्कूल व ज्यु कॉलेज मौजे सुकेणे ता निफाड विद्यालयात महामानव भारतरत्न डॉ बाबासाहेब आंबेडकर यांच्या महापरिनिर्वाण दिनानिमित्ताने त्यांना अभिवादन करण्यात आले कार्यक्रमाचे अध्यक्षस्थानी विद्यालयाचे प्राचार्य रायभान दवंगे होते सुरुवातीला प्राचार्य दवंगे, उपमुख्याध्यापक अनिल परदेशी, पर्यवेक्षिका संगीता सोनवणे व उपस्थितांच्या हस्ते महामानवाच्या प्रतिमेचे पूजन करण्यात आले यावेळी विद्यार्थिनी कु वैष्णवी देशमुख हिने महामानव डॉक्टर आंबेडकर यांच्या कार्याची उपस्थितांना ओळख करून दिली अध्यक्षीय मनोगतातून प्राचार्य दवंगे यांनी भारतरत्न डॉ बाबासाहेब आंबेडकर भारतीय न्यायशास्त्रज्ञ,समाज सुधारक होते.भारतीय राज्यघटनेचे शिल्पकार म्हणून त्यांना संबोधले जाते.त्यांनी जातीभेद व अन्यायाविरुद्ध लढा दिला भारतीय संविधानाचे जनक,दीन दलितांच्या जीवनाला जखडलेल्या गुलामगिरीच्या शृंखला तोडणारा महायोद्धा, उपेक्षितांच्या जीवनामध्ये अस्मितेची ज्योत पेटवणारा प्रकाश सूर्य तसेच स्वतःच्या अलौकिक विद्वत्तेचा वापर समाज हितासाठी करणारा महामानव, आपल्या बांधवांच्या उन्नतीसाठी अहोरात्र झटणारे समतेसाठी सत्याग्रह करणारे आणि भारताचे एक अमूल्यरत्न भारतरत्न डॉ बाबासाहेब आंबेडकर यांना वंदन करणे हे आपले आद्य कर्तव्य आहे असे ते आपल्या मनोगतात म्हणाले सूत्रसंचालन कु मिसबा शेख व कु पूर्वजा सांगळे यांनी तर आभार कु नेहा विधाते हिने मानले कार्यक्रमासाठी सर्व शिक्षक, शिक्षकेतर कर्मचारी व विद्यार्थी उपस्थित होते.

 *(फोटो-मौजे सुकेणे ता निफाड विद्यालयात महामानवाच्या प्रतिमेचे पूजन करताना प्राचार्य रायभान दवंगे,उपस्थित शिक्षक व विद्यार्थी)*

 वकील. सुरेश आव्हाडांकडून महापरिनिर्वाण दिनानिमित्त अभिवादन 

नाशिक :- महापरिनिर्वाण दिना च्या निमित्ताने महामानव डॅा.बाबासाहेब आंबेडकर यांच्या चांदवड येथील पविञ स्मृतीस राष्ट्रवादी ओबीसी सेलचे जिल्हाध्यक्ष ॲड.सुरेश आव्हाड यांच्या हस्ते पुजन करुन अभिवादन करण्यात आले. यावेळी ॲड.सुरेश आव्हाड यांनी डॅा.बाबासाहेब आंबेडकरांचे कार्य केवळ कुठल्याही एका घटकांपर्यंतच मर्यादित नसून त्यांनी बहुजनांना चेहरा निर्माण करुन दिला,माणसांना माणूस बनविण्याचे काम महामानवाने केले असुन बहुजणांच्या उध्दारासाठी आपले संपुर्ण आयुष्य खर्ची केले.वेळे प्रसंगी संपुर्ण कुटुंबानेच हाल अपेष्टा सहन करुन सर्वसमाजासाठी मोठा त्याग केला व गुलामगिरीत जखडून ठेवलेल्या समाजाला मुक्त करण्याचे महान कार्य या क्रांतिसुर्याने केले.देश जरी स्वातंञ्य झाला होता तरी खर्या अर्थाने देशातील जनतेला स्वातंञ्य मिळवून देण्याचे काम घटणा निर्माण करुन या शिल्पकाराने केले व त्याचमुळे आज भारतीय नागरीक या स्वातंञ्याचा आस्वाद घेत आहेत.तरी साहेबांची केवळ जयंती अथवा पुण्यतिथी साजरी करुन चालणार नाही तर त्यांनी दाखविलेल्या मार्गाने मार्ग क्रमण करुन त्यांचे विचार आत्मसात करायला हवे व त्यांनी दिलेला मुळमंञ शिका,संघटीत व्हा व अन्याया विरूद्ध संघर्ष करा! हा आचारणात आणने ही काळाची गरज आहे. काही जण जाणूनबुजून मनुस्मृती आणु पहात असून पुनः मनुचे राज्य आणण्याचा डाव आखत आहे,तरी अशा जातीवादी संघटणांच्या विरोधात एकजुटीने उभे राहण्याची खरी गरज असल्याचे देखील ॲड.सुरेश आव्हाड यांनी यावेळी सांगून 

 *हाती घेऊनी पेणाला बनविली दुधारी तलवारं*

*लिहुनया कायदा देशाचा आजही चालतो कारभारं* असे उदगार काढुन अभिवादन केले.यावेळी विनोद केकाण,गणेश जाधव,समाधान धोञे,किरण पगारे,नितीन जाधव,संदीप केदारे,अशोक जाधव,नाना शिंदे,महेश मोरे,आनंद बनकर आदी मान्यवर उपस्थित होते.

 मौजे सुकेणे विद्यालयात महात्मा फुलेंना अभिवादन

मौजे सुकेणे ता निफाड विद्यालयात महात्मा फुले यांच्या प्रतिमा पूजन प्रसंगी प्राचार्य रायभान दवंगे, सर्व सेवक व विद्यार्थी प्रतिनिधी

कसबे सुकेणे ता २८- मविप्र संचलित कर्मवीर रावसाहेब थोरात हायस्कूल व ज्यू कॉलेज मौजे सुकेणे ता निफाड विद्यालयात थोर समाज सुधारक महात्मा ज्योतिबा फुले यांच्या पुण्यतिथी निमित्ताने त्यांना अभिवादन करण्यात आले कार्यक्रमाच्या अध्यक्षस्थानी प्राचार्य रायभान दवंगे होते सुरुवातीला प्राचार्य दवंगे, उपमुख्याध्यापक अनिल परदेशी, पर्यवेक्षिका संगीता सोनवणे व उपस्थितांच्या हस्ते महात्मा फुले यांच्या प्रतिमेचे पूजन करण्यात आले यावेळी विद्यार्थ्यांच्या वतीने सातवी अ ची विद्यार्थिनी कु अनन्या विधाते हिने तर शिक्षकांच्या वतीने कार्यक्रमाचे अध्यक्ष प्राचार्य रायभान दवंगे यांनी महात्मा फुले यांच्या जीवन कार्याची व त्यांनी समाजासाठी केलेले कार्य विशद करत त्यांच्या शैक्षणिक कार्याचाही आढावा घेतला सूत्रसंचालन सातवी ड ची विद्यार्थिनी कु सोनाली देहाडे हिने तर आभार कु सिद्धी वडघुले हिने मानले कार्यक्रमासाठी सर्व शिक्षक, शिक्षकेतर कर्मचारी व विद्यार्थी उपस्थित होते.

  

 जनता विद्यालयात महात्मा फुले पुण्यतिथी निमित्त अभिवादन 

संविधान दिनानिमित्त उद्देशिकेचे वाचन 

नाशिक:- मराठा विद्या प्रसारक समाज संस्थेच्या जनता विद्यालय गोरेराम लेन नाशिक येथे दि. २८/११/२०२३ रोजी क्रांतीसुर्य महात्मा ज्योतिबा फुले यांची पुण्यतिथी साजरी करण्यात आली. कार्यक्रमाचे आयोजन इ. ८ वी क च्या वर्गाने केले होते. कार्यक्रमाचे सूत्रसंचालन कु. समुद्धी बोडके हिने केले . कार्यक्रमाच्या अध्यक्षस्थानी शाळेच्या मुख्याध्यापिका श्रीमती. एस.डी. शिंदे ह्या उपस्थित होत्या. सर्वप्रथम महात्मा फुले यांच्या प्रतिमेचे पूजन करण्यात आले. यानंतर कु. आदित्य करचे व आदिती खरात यांनी महात्मा फुले यांच्या जीवनाविषयी विद्यार्थ्यांना माहिती दिली व त्यांचे शिक्षणाविषयीचे धोरण कसे होते ह्याची विद्यार्थ्यांना विस्तृत माहिती दिली. यानंतर कु. प्रसाद भालेकर ह्याने महात्मा फुले यांच्या वरील स्वरचित काव्य “ स्त्री शिक्षणाची सावली ” हे सादर केले . व हर्षिता गायकवाड हिचे उपस्थितांचे आभार मानले. याप्रसंगी शाळेच्या मुख्याध्यापिका श्रीमती. एस.डी. शिंदे, ज्येष्ठ शिक्षिका के.एस. आगळे , वाघ मॅडम उपस्थित होत्या. विद्यार्थ्यांना गोवर्धन मॅडम ह्यांचे मार्गदर्शन लाभले

मौजे सुकेणे विद्यालयात संविधान दिन साजरा

 26/11 च्या दहशतवादी हल्ल्यातील शहिदांना आदरांजली 

मौजे सुकेणे ता निफाड विद्यालयात भारतीय संविधान दिन प्रसंगी संविधानाचे निर्माते डॉ बाबासाहेब आंबेडकर यांच्या प्रतिमेच्या पूजन प्रसंगी विद्यालयाचे प्राचार्य रायभान दवंगे, विद्यार्थी व शिक्षक वृंद

कसबे सुकेणे प्रतिनिधी ता २६ - मविप्र संचलित कर्मवीर रावसाहेब थोरात हायस्कूल व ज्यू कॉलेज मौजे सुकेणे ता निफाड विद्यालयात भारतीय संविधान दिन मोठ्या उत्साहात साजरा करण्यात आला संविधान दिनाबरोबरच २६/११ च्या मुंबई दहशतवादी हल्ल्यात शहीद झालेल्या शहिदांनाही आदरांजली वाहण्यात आली कार्यक्रमाच्या अध्यक्षस्थानी प्राचार्य रायभान दवंगे होते सुरुवातीला प्राचार्य दवंगे,उपमुख्याध्यापक अनिल परदेशी, पर्यवेक्षिका संगीता सोनवणे, प्रा राजेंद्र धनवटे व उपस्थित शिक्षकांच्या हस्ते संविधानाचे शिल्पकार भारतरत्न डॉ बाबासाहेब आंबेडकर व सरस्वती मातेचे पुष्पहार अर्पण करून पूजन करण्यात आले याप्रसंगी सातवी अ ची विद्यार्थिनी कु सिद्धी वडघुले हिने तर शिक्षकांमधून श्रीम शितल शिंदे यांनी संविधान दिनाची विद्यार्थ्यांना माहिती करून दिली कार्यक्रमाचे अध्यक्ष प्राचार्य रायभान दवंगे यांनी भारतीय संविधान दिन साजरा करण्यामागचा हेतू विशद करत २६/११ च्या दहशतवादी हल्ल्यात शहीद झालेल्या शहिदांना अभिवादन केले कार्यक्रमाचे सूत्रसंचालन आठवी अ ची विद्यार्थिनी कु वैष्णवी भंडारे हिने तर आभार कु अदिती वाघ हिने मानले कार्यक्रमासाठी सर्व शिक्षक, शिक्षकेतर कर्मचारी व विद्यार्थी उपस्थित होते.