जनता विद्यालयाने घेतली मतदान जनजागृती रॅली
विविध घोषणांनी नागरिकांचे वेधले लक्ष !
नाशिक:- दिनांक १८ नोव्हेंबर २०२४ रोजी सकाळी ८:०० वाजता महाराष्ट्र विधानसभा निवडणूक २०२४ च्या पार्श्वभूमीवर मराठा विद्या प्रसारक समाज संस्थेच्या जनता विद्यालय , गोरेराम लेन येथे एक प्रभावी मतदान जनजागृती रॅली आयोजित केली. गोरेराम लेन पासून गायधनी लेन, बोहरपट्टी मार्गे रविवार कारंजा आणि पुन्हा गोरेराम लेन अशा मार्गावर ही रॅली काढण्यात आली.
विद्यालयातील इयत्ता ८ वी च्या विद्यार्थ्यांनी या रॅलीत उत्साहाने सहभाग घेतला. विद्यार्थ्यांनी स्वतः तयार केलेले आकर्षक फलक हाती घेऊन परिसरात जनजागृती केली. "माझं मत, माझा अधिकार" आणि "उठा उठा दिवाळी झाली, मतदान करण्याची वेळ आली" अशा लक्षवेधक घोषणांनी परिसर दणाणून गेला. या घोषणांनी परिसरातील नागरिकांचे विशेष लक्ष वेधले.
या महत्त्वपूर्ण कार्यक्रमास विद्यालयाच्या मुख्याध्यापिका श्रीमती गायधनी वाय.बी., ज्येष्ठ शिक्षिका श्रीमती पिंगळे एम.एस., श्रीमती चौधरी एस.यु. , शालेय सांस्कृतिक विभाग प्रमुख श्रीमती गायखे एस.एम. श्रीमती सोनवणे के.एन ., यांच्यासह अन्य शिक्षक, विद्यार्थी आणि शिक्षकेतर कर्मचारी उपस्थित होते.
रॅलीच्या माध्यमातून विद्यार्थ्यांनी लोकशाहीतील मतदानाचे महत्त्व पटवून दिले आणि जास्तीत जास्त मतदान करण्याचे आवाहन केले. या उपक्रमाद्वारे विद्यालयाने नागरिकांमध्ये मतदानाविषयी जागृती निर्माण करण्यात महत्त्वपूर्ण योगदान दिले आहे.
कोणत्याही टिप्पण्‍या नाहीत:
टिप्पणी पोस्ट करा