मौजे सुकेणे विद्यालयात जिजाऊ व विवेकानंद जयंती उत्साहात

मौजे सुकेणे विद्यालयात राजमाता जिजाऊ व स्वामी विवेकानंद यांच्या प्रतिमा पूजन प्रसंगी विद्यालयाचे प्राचार्य रायभान दवंगे, सर्व शिक्षक, शिक्षकेतर कर्मचारी व विद्यार्थी प्रतिनिधी

कसबे सुकेणे ता १२- मविप्र संचलित कर्मवीर रावसाहेब थोरात हायस्कूल व ज्यु कॉलेज मौजे सुकेणे ता निफाड विद्यालयात राजमाता जिजाऊ व स्वामी विवेकानंद यांची जयंती मोठ्या उत्साहात साजरी करण्यात आली अध्यक्षस्थानी प्राचार्य रायभान दवंगे होते सुरुवातीला प्राचार्य दवंगे, उपमुख्याध्यापक अनिल परदेशी, पर्यवेक्षक श्री भामरे व उपस्थित शिक्षकांच्या हस्ते राजमाता जिजाऊ व स्वामी विवेकानंद यांच्या प्रतिमांचे पूजन करण्यात आले याप्रसंगी विद्यालयातील विद्यार्थिनी कु सिद्धी वडघुले व कु संध्या हळदे यांनी अनुक्रमे राजमाता जिजाऊ व स्वामी विवेकानंद यांच्या कार्याची ओळख करून दिली तर शिक्षकांच्या वतीने प्रा ज्ञानेश्वर वाघ व कार्यक्रमाचे अध्यक्ष रायभान दवंगे यांनीही थोर स्वामी विवेकानंद व राजमाता जिजाऊ या महान व्यक्तींचे कार्य विशद करत त्यांची जयंती साजरा करण्यामागचा हेतू विशद करुन विद्यार्थ्यांना मार्गदर्शन केले कार्यक्रमाचे सूत्रसंचालन कु अनन्या विधाते व कु जान्हवी बुरगुडे हिने तर आभार कु सानवी जाधव हिने मानले कार्यक्रमाच्या यशस्वी यशस्वीतेसाठी सातवी अ चे विद्यार्थी व वर्गशिक्षिका श्रीम संगीता थोरात यांनी विशेष प्रयत्न केले कार्यक्रमासाठी सर्व शिक्षक, शिक्षकेतर कर्मचारी व विद्यार्थी उपस्थित होते.